استانا. 25 ناۋرىز. ايگىلى فۋتبولشى تەرري انري ۋەلس مەكتەپتەرىنىڭ بىرىنە مۇعالىم رەتىندە كيىنىپ كەلدى. فۋتبولشى ءبىلىم ورداسىنا «جىل ستۋدەنتى» اتانعان ەمما ەسىمدى ستۋدەنتكە Sky Sports ءىرى مەديا ورتالىعى تاعايىنداعان مەدالدى تابىس ەتۋ ءۇشىن ارنايى كەلگەن. بۇل تۋرالى sports.ru حابارلادى.
فرانتسيا قۇراماسى مەن لوندوننىڭ «ارسەنالىندا» جاسىنداي جارقىلداعان انري وتكەن جىلدىڭ سوڭىندا سپورتپەن قوش ايتىسقانى بەلگىلى. جاسىل الاڭداعى سوڭعى ءتورت جىلىن اقش-تا وتكىزدى. نيۋ-يوركتىڭ «رەد بۋللز» كومانداسىندا ويناعان ول بۇگىندە انگليانىڭ Sky Sports تەلەارناسىندا فۋتبول ساراپشىسى رەتىندە قىزمەت اتقارادى. سونداي-اق, انري قازىرگى تاڭدا ا جانە ۆ ساناتىنداعى ۋەفا-نىڭ جاتتىقتىرۋشى ليتسەنزياسىن الۋ ءۇشىن ءبىلىم الۋدا.
ەلامان قوڭىر.
دەرەك, سۋرەت: sports.ru.