ەلىمىز وڭتۇستىك باعىتتاعى لوگيستيكالىق مۇمكىندىكتەرىن كەڭەيتۋ ماقساتىندا اۋعانستان اۋماعى ارقىلى تەمىرجول سالۋدى جوسپارلاپ وتىر. جوبا جۇزەگە اسسا, ەل ءۇندى مۇحيتىنا تىكەلەي شىعاتىن ەڭ قىسقا مارشرۋتقا قول جەتكىزىپ, پاكىستان پورتتارىنا جول اشادى, دەپ جازادى Egemen.kz.
جوسپارعا سايكەس, «تۋرگۋندي – گەرات – كانداگار – سپين-بولداك» باعىتى بويىنشا تەمىرجول جەلىسىن سالۋعا دەيىنگى ينۆەستيتسيا كولەمى 500 ملن دوللارعا باعالانىپ وتىر. بۇل باعىت قازاقستان ءۇشىن سولتۇستىك جانە كاسپي ماڭى دالىزدەرىنە بالاما ۇسىنىپ, ءداستۇرلى ترانزيت جولدارىنا تاۋەلدىلىكتى ازايتۋعا مۇمكىندىك بەرەدى.
قىتايعا تەمىرجول ەكسپورتى 11%-عا ءوستى
جوبا بولاشاقتا ورتالىق ازيا مەن وڭتۇستىك ازيانى جالعايتىن ترانسۇلتتىق كولىك ءدالىزىنىڭ نەگىزگى بۋىنى رەتىندە قاراستىرىلىپ وتىر. ساراپشىلاردىڭ پىكىرىنشە, مۇنداي باعىت ايماقتىق ساۋدا كولەمىن ارتتىرىپ, جۇك تاسىمالىنىڭ گەوگرافياسىن ارتاراپتاندىرۋعا جول اشادى.
تەمىرجولدى تسيفرلاندىرۋ جۇمىس ساپاسىن جاقسارتادى
كولىك ۆيتسە-ءمينيسترى جانيبەك تايجانوۆ جوبانىڭ جوسپارلى تۇردە ىسكە اسىرىلىپ جاتقانىن مالىمدەدى. ونىڭ ايتۋىنشا, اقپان ايىندا قازاقستان, اۋعانستان جانە بىرىككەن اراب امىرلىكتەرى اراسىندا ۇشجاقتى مەموراندۋمعا قول قويۋ كوزدەلىپ وتىر. سونىمەن بىرگە مارشرۋتتى قولداعان پاكىستان تاراپىمەن جەكە قۇجات بەكىتۋ جوسپارلانعان.
2029 جىلعا دەيىن قازاقستاندا 11 مىڭ شاقىرىم تەمىرجول جەلىسى جوندەلەدى
رەسمي دەرەككە قاراعاندا, بۇل باستاما قازاقستاننىڭ كولىك-لوگيستيكالىق ستراتەگياسىندا ماڭىزدى ورىن الادى. ەل ءۇشىن ءۇندى مۇحيتى باعىتىنا شىعۋ جاڭا نارىقتارعا جول اشىپ قانا قويماي, وڭىرلىك ترانزيتتەگى ءرولىن كۇشەيتۋگە ىقپال ەتەدى.