پرەمەر-ءمينيستردىڭ ءبىرىنشى ورىنباسارى رومان سكليار «شەۆرون» كورپوراتسياسى ەۋرازيا بولىمشەسىنىڭ باسقارۋشى ديرەكتورى دەرەك ماگنەسسپەن كەزدەسۋ وتكىزدى. جيىنعا ەنەرگەتيكا ءمينيسترى ەرلان اقكەنجەنوۆ جانە «قازمۇنايگاز» ۇك» اق باسقارما توراعاسى اسحات حاسەنوۆ تە قاتىستى, دەپ جازادى Egemen.kz.
كەزدەسۋ بارىسىندا تاراپتار مۇناي-گاز سالاسىنداعى ەكىجاقتى ىنتىماقتاستىقتىڭ قازىرگى جاعدايى مەن كەلەشەگىن تالقىلادى. كەلىسسوزدەر كەزىندە تەڭىز جوباسىنا ەرەكشە نازار اۋدارىلدى.
ءوز كەزەگىندە دەرەك ماگنەسس قازاقستانداعى ينۆەستيتسيالىق احۋالدىڭ ارقاسىندا تەڭىز جوباسى بويىنشا ماڭىزدى وندىرىستىك كورسەتكىشتەرگە قول جەتكىزىلگەنىن اتاپ ءوتتى. «شەۆرون» وكىلى رەتتەۋشى ورتانىڭ بولجامدىلىعىن جانە مەملەكەتتىك ورگاندارمەن كونسترۋكتيۆتى ءىس-قيمىلدى ەرەكشە اتاپ ءوتىپ, بۇل ۇزاقمەرزىمدى ينۆەستيتسيالار ءۇشىن قولايلى جاعداي جاسايتىنىن جەتكىزدى.
سونىمەن قاتار رومان سكليار تەڭىز كەنىشىندە ءوندىرىستىڭ ۋاقىتشا توقتاپ قالۋىنا سەبەپ بولعان وقيعالارعا بايلانىستى الاڭداۋشىلىق ءبىلدىردى.
تەڭىز كەنىشىندەگى ءورت: مينيستر ءوندىرىس قاشان قايتا جانداناتىنىن ايتتى
«شەۆرون» باسشىلىعى وقيعالاردىڭ سالدارىن جويۋ جانە مۇناي ءوندىرۋدى كەزەڭ-كەزەڭىمەن ارتتىرۋ بويىنشا قابىلدانعان شارالار تۋرالى حاباردار ەتتى. سونداي-اق «شەۆرون» باسشىلىعى بولاشاقتا مۇنداي جاعدايلارعا جول بەرمەۋ جانە نىسانداردىڭ سەنىمدى ءارى قاۋىپسىز جۇمىسىن قامتاماسىز ەتۋ بويىنشا ناقتى ءىس-قيمىلدار جاسالاتىنىنا سەنىم ءبىلدىردى.
«تەڭىز» كەن ورنىندا مۇناي ءوندىرۋ قايتا جانداندى
بۇدان بولەك, كەزدەسۋدە گەولوگيالىق بارلاۋ جۇمىستارىن دامىتۋ ماسەلەلەرى تالقىلاندى. «شەۆرون» كومپانياسى بىرقاتار گەولوگيالىق بارلاۋ جوباسىنا قىزىعۋشىلىق تانىتاتىنىن مالىمدەدى.
كەزدەسۋ سوڭىندا تاراپتار ۇزاقمەرزىمدى جانە ءوزارا ءتيىمدى ىنتىماقتاستىقتى ودان ارى دامىتۋعا بەيىلدىلىكتەرىن, سونداي-اق ءوزارا ءىس-قيمىلدىڭ بارلىق باعىتى بويىنشا سىندارلى ديالوگكە دايىن ەكەنىن جەتكىزدى.
ايتا كەتەيىك, تەڭىز كەنىشىندە ءوندىرىستىڭ ۋاقىتشا توقتاۋى «قارا التىن» باعاسىنىڭ قىمباتتاۋىنا اسەر ەتتى.