ورتالىق كوممۋنيكاتسيالار قىزمەتىندە ينۆەستيتسيالار جانە دامۋ ۆيتسە-ءمينيسترى البەرت راۋ مەن مينيسترلىكتىڭ يندۋستريالىق دامۋ جانە ءوندىرىس قاۋىپسىزدىگى كوميتەتىنىڭ توراعاسى امانياز ەرجانوۆ ءباسپاسوز ءماسليحاتىن وتكىزىپ, وتاندىق ءونىم وندىرۋشىلەردى مەملەكەت تاراپىنان قولداۋدىڭ بيىلعى جىلعى جوسپارى جونىندە اڭگىمەلەدى.
ۆيتسە-ءمينيستردىڭ سوزىنە قاراعاندا, اعىمداعى جىلدىڭ ءبىرىنشى توقسانىن وتاندىق ءونىم شىعارۋشىلار جاقسى تابىسپەن قورىتىندىلاعان. ارينە, كورشى رەسەي ەلىنىڭ ءرۋبلى ەكى ەسەگە دەيىن قۇنسىزدانعاندا ەلىمىزدىڭ بىرقاتار كاسىپورىندارى ۇلكەن قيىندىقتارعا تاپ كەلگەن. دەسە دە, جالپى وندىرىلگەن ءونىم كولەمىنە قاراپ جاعدايدىڭ تولىق قاناعاتتانارلىق ەكەنىنە كوز جەتكىزۋگە بولادى. ەلىمىزدىڭ مەتالل وندىرۋشىلەرى دە بۇرىنعى قارقىنىن باسەڭدەتە قويماپتى. سونداي-اق, تەمىردەن ءتۇرلى زات ءوندىرۋشى كاسىپورىندار دا ءونىمىن كوبەيتپەسە ازايتپاعان. ونىڭ دالەلى رەتىندە سپيكەر ارماتۋرا جاساۋشى زاۋىتتى مىسالعا كەلتىردى. ناقتى اقپاراتقا جۇگىنسەك, بۇگىندە ارماتۋرا مەن جول سالۋعا پايدالانىلاتىن بيتۋم ءونىمىن شىعارۋ ەسەلەپ ارتقان. دەمەك, بۇل ونىمدەرگە سۇرانىس بار. وسىنى ايتقان ۆيتسە-مينيستر, بيىلعى جىلدىڭ ءبىرىنشى توقسانىنداعى ءوسىم ساندارىنا توقتالدى. «ءونىم شىعارۋ – 0,6, تاۋ-كەن ونىمدەرىن ءوندىرۋ – 1,1, ءونىمدى قايتا وڭدەۋ 0,5 پايىزعا ءوستى», دەدى ا.راۋ. ايتسە دە, الەمدىك ەكونوميكالىق داعدارىس پەن رەسەيدەگى قالىپتاسقان احۋالعا وراي ءالى دە جاعدايى دۇرىستالا الماي تۇرعان كاسىپورىندار بار ەكەن. اتاپ ايتقاندا, ماشينا قۇراستىرۋ سالاسىندا 28,7 پايىزعا دەيىن كەرى كەتۋشىلىك بايقالادى. وسىنى جەتكىزگەن ۆيتسە-مينيستر, سالانى قولداپ-قۋاتتاۋ ءۇشىن ەل ۇكىمەتى بىرقاتار شارالاردى قاراستىرىپ جاتقانىن ايتتى. ءسويتىپ, سالاداعى الدا بولار قيىندىقتاردى دا جاسىرمادى. «اقشاسى قۇنسىزدانعان رەسەيدەن اكەلىنگەن ارزان اۆتوكولىكتەردىڭ ورنىن تولتىرۋ بيىلعى جىلى دا وڭاي بولمايدى. دەسەم دە, شىندىققا تۋرا قاراپ ايتارىم, بيىلعى جىلى 30 مىڭ وتاندىق اۆتوكولىك جاساپ شىعاراتىنىمىزدى اشىق مالىمدەگىم كەلەدى. تازا قيىن سوعىپ جاتسا, 20 مىڭ كولىك قۇراستىراتىنىمىز انىق», دەدى ۆيتسە-مينيستر. ونىڭ سوزىنە قاراعاندا, قيىندىققا تاپ بولعان وتاندىق ءونىم شىعارۋشىلاردى قولداۋ ءىسى جالعاسىن تابا بەرەدى. بيىلعى جىلدىڭ وزىندە كاسىپورىنداردى دەمەۋ ماقساتىندا 100-دەن استام ءتۇرلى شارالار قارالىپ, سالانىڭ ساۋىعىپ كەتۋىنە اتسالىسقان. ناتيجەسىندە 200-گە جۋىق كاسىپورىنعا ناقتى قولداۋ كورسەتىلگەن. بىرەر كۇندە كەدەن وداعىنا قوسىلعالى تۇرعان كورشى قىرعىز ەلى جونىندە اڭگىمە ءوربىدى. سپيكەردىڭ سوزىنە قۇلاق اسساق, كەدەن وداعىنىڭ تەحنيكالىق رەگلامەنتiنىڭ تالاپتارى كورشi ەلدەن ەسكi اۆتوكولiكتەردi جەتكiزۋگە توسقاۋىل بولادى ەكەن. «قىرعىزستاننان اۆتوكولiكتەردi الىپ كەلۋ بۇل ەلدىڭ ەۋرازيالىق ەكونوميكالىق وداققا كiرۋi الدىندا تالقىلانعان داۋلى ماسەلەلەردiڭ بiرi بولدى. ياعني, قىرعىزدار وزدەرiنiڭ اۆتوونەركاسiبi جوق بولعاندىقتان, كەز كەلگەن اكەلiم باج سالىعىن ون جىلعا كەيiنگە قالدىرۋدى سۇرادى. سونىمەن, ولارعا 2014 جىلدىڭ 1 قاڭتارىنان باستاپ كiرگەن اۆتوكولiكتەردiڭ بارلىعى بiزدiڭ ەلگە نەمەسە رەسەيگە كiرەتiن بولسا, وندا ول كولiكتەرگە كەدەن وداعىنداعى اۆتوكولiكتەرگە ارنالعان باج سالىعىن سالۋ تۋرالى كەلiسiم جاسالدى. بiراق, سوڭعى جىلدارى قىرعىزستانعا 100 مىڭعا جۋىق كولiك اكەلiنگەنiن ەسەپكە الساق, ول اۆتوكولiكتەردىڭ كەرi ەكسپورتتالۋىن كۇتىپ وتىرعاندار بار دەۋگە بولادى. سول سەبەپتi, قازاقستانعا اكەلiنەتiن اۆتوكولiكتەر كەدەن وداعى تەحنيكالىق رەگلامەنتiنiڭ تالاپتارىنا ساي بولۋى كەرەك. بۇل قيىن شارۋا ەمەس. ەڭ الدىمەن, بۇل قاۋiپسiزدiك تەحنيكاسىنا بايلانىستى. مىسالى, تەجەگiشتi اۆتوماتتى بۇعاتتاۋ, قاۋiپسiزدiك جاستىقشالارى, بالالارعا ارنالعان ورىندىقتاردى بەكiتۋ ورىندارى, كۇندiز قوسۋعا ارنالعان شامدار بولۋى كەرەك. بۇل ءوز كەزەگiندە, ەسكi كولiكتەردiڭ ەلگە اكەلiنۋiنە توسقاۋىل بولادى دەگەن ويدامىز», دەدi ۆيتسە-مينيستر.
نۇرباي ەلمۇراتوۆ, «ەگەمەن قازاقستان».
سۋرەت:kostanaytany.kz