كونستيتۋتسيالىق كوميسسيانىڭ ءتورتىنشى وتىرىسىندا كونستيتۋتسيالىق سوت توراعاسىنىڭ ورىنباسارى باقىت نۇرمۇحانوۆ جەكە باسقا قول سۇقپاۋشىلىق, نەگىزگى قۇقىقتاردى قورعاۋ جانە سوت بيلىگىنىڭ تاۋەلسىزدىگىنە قاتىستى نورمالار ايتارلىقتاي كۇشەيتىلەتىنىن ايتتى, دەپ حابارلايدى Egemen.kz.
باقىت نۇرمۇحانوۆ ۇسىنىلعان وزگەرىستەردىڭ باستى تۇستارىنا ەرەكشە توقتالىپ, «نەگىزگى قۇقىقتار, بوستاندىقتار مەن مىندەتتەر» اتتى ءبولىمنىڭ جاڭا اتاۋى قاراستىرىلعان ماسەلەلەردى تولىق قامتيتىن اتاپ ءوتتى.
كونستيتۋتسيانىڭ پرەامبۋلاسى تولىق جاڭارتىلادى
بۇل رەتتە ۇسىنىلعان نوۆەللالار ادامنىڭ ەڭ جوعارى قۇندىلىق ەكەنى تۋرالى قاعيداتقا سۇيەنە وتىرىپ, قۇقىقتار مەن بوستاندىقتاردى ىسكە اسىرۋ جانە قورعاۋ كەپىلدىكتەرىن كۇشەيتەدى.
«بۇل ءومىر ءسۇرۋ قۇقىعىن ابسوليۋتتىك دارەجەگە كوتەرۋ, ادامعا باعدارلانعان ساياسات, ادامنىڭ جەكە باسىنا قول سۇعىلماۋشىلىق پەن «ميراندا ەرەجەسىنىڭ», تسيفرلىق داۋىردە جەكە مالىمەتتەردى قورعاۋ, ار-نامىس پەن قادىر-قاسيەتتى قورعاۋدى كۇشەيتۋ, الەۋمەتتىك قۇقىقتار مەن قۇقىقتىق انىقتىق قاعيداتتارىن بەكىتۋ دەگەن ءسوز», دەدى باقىت نۇرمۇحانوۆ.
ول قازىرگى ۋاقىتتا كونستيتۋتسيانىڭ 7-بولىمىندەگى سوت ادىلدىگى قاعيداتى رەتىندە قاراستىرىلىپ وتىرعان كەيبىر نورمالاردىڭ ادام قۇقىقتارىن قورعاۋ كەپىلدىگى رەتىندە وسى بولىمگە كوشىرىلىپ, جەكە باپقا بىرىكتىرىلەتىنىن ايتتى.
ء«سوز بوستاندىعى مەن شىعارماشىلىق ەركىندىك قۇقىعىنا جاڭا ءمان-ماعىنا بەرىلىپ, دەموكراتيالىق جانە قۇقىقتىق مەملەكەتتە جەكە تۇلعانىڭ ەركىن دامۋىنىڭ ماڭىزدى شارتى سانالاتىن زياتكەرلىك مەنشىكتى قورعاۋ كەپىلدىكتەرىنىڭ بولەك تۇرلەرى بەلگىلەندى», دەپ اتاپ ءوتتى كونستيتۋتسيالىق سوت توراعاسىنىڭ ورىنباسارى.
كونستيتۋتسيالىق رەفورما: اتا زاڭ ءماتىنىنىڭ 84%-ى وزگەرەدى
ونىڭ ايتۋىنشا, كونستيتۋتسيادا نەكە مەن وتباسى قۇندىلىقتارىن, سونداي-اق قورشاعان ورتانى قورعاۋ مىندەتتەمەلەرى كۇشەيتىلەدى.
«اتى وزگەرگەن «سوت جۇيەسى. پروكۋراتۋرا. قۇقىق قورعاۋ تەتىكتەرى» بولىمىندە ايتارلىقتاي وزگەرىستەر كوزدەلگەن. وعان سوت ءىسىن جۇرگىزۋ نىساندارىن كەڭەيتۋگە, ادىلەتتىلىك پەن سوت تاۋەلسىزدىگىنىڭ كونستيتۋتسيالىق قاعيداتتارىن نىعايتۋعا, سونداي-اق سوت جۇيەسىندەگى كادر ماسەلەلەرىنە قاتىستى سوت ماسەلەلەرى بويىنشا ماڭىزدى تۇزەتۋلەر كىرەدى», دەدى ول.
سونداي-اق, ول كونستيتۋتسيالىق كوميسسيا مۇشەلەرىنىڭ نازارىن ادۆوكاتۋرانىڭ قۇقىقتىق مارتەبەسىن بەكىتەتىن جەكە باپتىڭ قاراستىرىلعانىنا اۋداردى.سونىمەن قاتار, كونستيتۋتسيالىق كوميسسيانىڭ مۇشەسى قۇرىلتايدىڭ قۇرىلۋىنا بايلانىستى «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ» بولىمىنە ناقتى تۇزەتۋلەر ەنگىزۋ قاجەت بولعانىنا دا توقتالدى.ءسوز سوڭىندا باقىت نۇرمۇحانوۆ «كونستيتۋتسياعا وزگەرىستەر مەن تولىقتىرۋلار ەنگىزۋ» دەپ اتالاتىن جاڭا ءبولىم اتا زاڭنىڭ ءماتىنىن ەڭ ۇزدىك حالىقارالىق تاجىريبەگە سايكەس جاڭارتۋعا مۇمكىندىك بەرەتىنىن اتاپ ءوتتى.