پارلامەنت ءماجىلىسىنىڭ جالپى وترىسى اياسىندا سالالىق كوميتەتتەر بىرقاتار جاڭا زاڭ جوباسى مەن قۇجاتتاردى جۇمىسقا قابىلدادى. جاڭا قۇجاتتار الداعى ۋاقىتتا ءماجىلىس كوميتەتتەرىندە جان-جاقتى قارالىپ, كەيىن جالپى وتىرىسقا شىعارىلادى, دەپ حابارلايدى Egemen.kz.
اتاپ ايتقاندا, دەپۋتاتتاردىڭ قاراۋىنا ۇكىمەت پەن جوعارى اۋديتورلىق پالاتانىڭ 2025 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى ۇسىنىلدى.
سونىمەن قاتار ماجىلىسكە «قازاقستان رەسپۋبليكاسىنىڭ جاڭا كونستيتۋتسياسىنىڭ قابىلدانۋىنا بايلانىستى راقىمشىلىق جاساۋ تۋرالى» زاڭ جوباسى جانە وعان ىلەسپە تۇزەتۋلەردىڭ ەكى پاكەتى كەلىپ تۇسكەن.
بۇدان بولەك, اۋىل شارۋاشىلىعى جەرلەرىن ۇتىمدى پايدالانۋعا باقىلاۋدى كۇشەيتۋ بويىنشا جەر كودەكسىنە تۇزەتۋلەر قارالادى.
«مورالدىق قۇقىعىمىز جوق»: دەپۋتات ماس جۇرگىزۋشىلەرگە راقىمشىلىق جاساۋعا قارسى شىقتى
دەپۋتاتتار سونداي-اق تۇركى مەملەكەتتەرى ۇيىمىنا مۇشە ەلدەردىڭ ۇكىمەتتەرى اراسىنداعى تسيفرلىق ەكونوميكا سالاسىنداعى ارىپتەستىك تۋرالى كەلىسىمدى راتيفيكاتسيالاۋ جونىندەگى زاڭ جوباسىن تالقىلايدى.
ەسكە سالا كەتەيىك, ەلوردادا پارلامەنت ءماجىلىسىنىڭ جالپى وتىرىسى ءوتىپ جاتىر.