استانادا پارلامەنت ءماجىلىسىنىڭ جالپى وتىرىسى ءوتىپ جاتىر. جيىندا بىرقاتار ماڭىزدى زاڭ جوبالارى قارالادى. كۇن تارتىبىنە ەكونوميكالىق, قۇقىقتىق جانە الەۋمەتتىك سالالاردى قامتيتىن بىرقاتار وزگەرىستەر ەنگىزۋ ۇسىنىلعان قۇجاتتار ەنگىزىلگەن, دەپ حابارلايدى Egemen.kz.
اتاپ ايتقاندا, ءبىرىنشى وقىلىمدا:
«قازاقستان رەسپۋبليكاسىنىڭ سالىق كودەكسىنە وزگەرىستەر ەنگىزۋ تۋرالى» زاڭ جوباسى; «نوتارياتتىق قىزمەت ماسەلەلەرى بويىنشا زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى; «ماشينا جاساۋدى دامىتۋ ماسەلەلەرى بويىنشا زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى; «اسكەري قىزمەتشىلەردىڭ قۇقىقتىق جاعدايىن جەتىلدىرۋ, قورعانىس جانە اسكەري قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالادى.ەكىنشى وقىلىمدا:
«سايلاۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى; «اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى; «اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانادى.قۇجاتتار مەملەكەتتىك باسقارۋ جۇيەسىن جەتىلدىرۋ, قۇقىقتىق رەتتەۋدى جاڭارتۋ جانە ءتۇرلى سالالارداعى تيىمدىلىكتى ارتتىرۋ ماقساتىندا قارالىپ وتىر.
ەسكە سالا كەتەيىك, بۇعان دەيىن پارلامەنت پالاتالارىنىڭ بىرلەسكەن وتىرىسىندا التى كونستيتۋتسيالىق زاڭ جوباسى قابىلدانعان بولاتىن.