مەملەكەت باسشىسى قاسىم-جومارت توقاەۆ مەكتەپ مۇعالىمى تاتيانا بەلوۋسوۆانى قۇتتىقتادى, دەپ جازادى Egemen.kz.
پرەزيدەنت الماتى قالاسىنداعى №95 مەكتەپ-ليتسەيى حيميا ءپانىنىڭ مۇعالىمى تاتيانا بەلوۋسوۆانى Global Teacher Prize حالىقارالىق بايقاۋىنىڭ قورىتىندىسى بويىنشا الەمدەگى ەڭ ۇزدىك 50 پەداگوگتىڭ قاتارىنا ەنۋىنە وراي قۇتتىقتادى.
«بۇل جوعارى باعا – ءسىزدىڭ وسكەلەڭ ۇرپاققا تاعىلىمدى تاربيە مەن وزىق ءبىلىم بەرۋ ىسىنە سىڭىرگەن ۇزاق جىلعى ەڭبەگىڭىزدىڭ جەمىسى. ءبىزدىڭ ماقساتىمىز – زياتكەر ۇلتقا اينالۋ. سوندىقتان مەملەكەت ءاردايىم مۇعالىمدەردىڭ مارتەبەسىن كوتەرىپ, ولاردى جان-جاقتى قولدايدى», دەدى قاسىم-جومارت توقاەۆ.
ايتا كەتەيىك, تاتيانا بەلوۋسوۆا – پەداگوگ-شەبەر, «قازاقستاننىڭ ۇزدىك ۇستازى – 2024» قۇرمەتتى اتاعىنىڭ يەگەرى. ونىڭ كانديداتۋراسى ساۋالناما مەن قوسىمشا ماتەريالداردى تاپسىرۋدان باستاپ, ساراپتامالىق باعالاۋ جانە فينالدىق ىرىكتەۋگە دەيىنگى كوپساتىلى كەزەڭنەن ءوتتى.
مۇعالىمدەردىڭ ءبىلىم ساپاسى قاي دەڭگەيدە؟