قازاقستانداعى قوناق ۇيلەر مەن مەيرامحانالار تۋريستىك باعىت رەتىندە ەلدىڭ تارتىمدىلىعىن ارتتىرا وتىرىپ, حالىقارالىق دەڭگەيدە جوعارى باعالانىپ وتىر. بۇل تۋرالى ۇكىمەت وتىرىسىندا «Kazakh Tourism» كومپانياسىنىڭ باسقارما توراعاسى تالعات عازيزوۆ مالىمدەدى, دەپ حابارلايدى Egemen.kz.
قازاقستاننىڭ ءيميدجىن شەتەلدە ىلگەرىلەتۋ بويىنشا كەلەسىدەي جۇمىستار جۇرگىزىلدى:
Euronews Travel, Amazon Prime Video, ءبىرىنشى ارنا جانە فرانتسيانىڭ M6 تەلەارناسىندا كورسەتىلىپ, نەگىزگى نىسانالى نارىقتاردى قامتۋدى قامتاماسىز ەتتى; قازاقستاننىڭ قىتايدىڭ الەۋمەتتىك جەلىلەرىندەگى – Weibo, WeChat, Rednote پلاتفورمالارىنداعى جانە الەمدىك جەتەكشى تسيفرلىق الاڭدارداعى قاتىسۋى تۇراقتى تۇردە دامىپ كەلەدى; وتكەن جىلى 12 ەلدەن كەلگەن 115 جۋرناليست, بلوگەر جانە تۋروپەراتوردىڭ قاتىسۋىمەن 16 ينفوتۋر ۇيىمداستىرىلدى. الماتىدا جاڭا شاڭعى تەبۋ ايماعى اشىلادى بيىلعى جوسپار دا اۋقىمدى. اتاپ ايتساق, مادەني, ەتنومادەني, سپورتتىق, ەكولوگيالىق جانە گاسترونوميالىق باعىتتاعى ءىس-شارالاردى قامتيتىن بىرىڭعاي ءىس-شارالار كۇنتىزبەسى قالىپتاستىرىلدى. بارلىق ايماقتاردى قامتيتىن 55 نەگىزگى ءىس-شارا تاڭداپ الىندى. 2026 جىلى تيمبالەند, نيكول شەرزينگەر, باستا رايمس سياقتى جانە تاعىدا باسقا الەمدىك جۇلدىزداردىڭ قاتىسۋىمەن ءىرى كونتسەرتتىك ءىس-شارالار وتكىزۋ جوسپارلانعان.قازاقستاندا تۋريزمگە سالىنعان ينۆەستيتسيا كولەمى 1,2 ترلن تەڭگەدەن استى
سونىمەن قاتار فەستيۆال ءتۋريزمىن جوبالاۋ جانە ىلگەرىلەتۋ بويىنشا ارنايى شتاب قۇرىلدى. بۇعان قوسا, ازيا مەن تاياۋ شىعىستاعى ماقساتتى قالالاردا, سونداي-اق مۋمباي, دۋباي, شانحاي, سەۋل, توكيو جانە سينگاپۋردا 10 روۋد-شوۋ وتكىزۋدى جوسپارلانعان.