قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «نۇر وتان» پارتياسىنىڭ XVI سەزىندە جاريالاعان بەس ينستيتۋتتىق رەفورماسىن جانە قازاقستان قوعامى مەن مەملەكەتتى ءارى قاراي جاڭعىرتۋدى جۇزەگە اسىرۋ ماقساتىندا قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆتىڭ تاپسىرماسىمەن مينيسترلىكتىڭ جاڭعىرتۋ جونىندەگى ارنايى جۇمىس توبى قۇرىلدى.
ارنايى جۇمىس توبىنىڭ نەگىزگى ماقساتى – مەملەكەتتى جاڭعىرتۋعا قاجەتتى شەتەلدىك تاجىريبەنى زەرتتەۋ. توپتىڭ جۇمىسىن جالپى ءۇيلەستىرۋ ءمينيستردىڭ ءبىرىنشى ورىنباسارى ءراپىل جوشىباەۆقا جۇكتەلدى. ەلباسى ءوز سوزىندە اتاپ ءوتكەندەي, قازىرگى ۋاقىتتا الەمدەگى احۋال كۇردەلەنە تۇسۋدە. الەمدىك نارىقتاردا قۋات كوزدەرى مەن مەتالل باعالارىنىڭ قۇلدىراۋى ەكونوميكالىق تاۋەكەلدەردى كۇرت ۇلعايتىپ جىبەردى. بارلىق دەرلىك مەملەكەتتەر ەلەۋلى گەوساياسي جانە ەكونوميكالىق سىن-قاتەرلەردى باستان وتكەرۋدە. «نۇرلى جول» جاڭا ەكونوميكالىق ساياساتى قازاقستاننىڭ ەكونوميكالىق تاۋەكەلدەرگە قويار توسقاۋىلى بولدى. الەمنىڭ بۇكىل ەلدەرى الدىندا تۇرعان تاۋەكەلدەر مەن جاھاندىق سىنداردىڭ جوعارى دەڭگەيىن ەسكەرە وتىرىپ, قازاقستان پرەزيدەنتى سىرتقى فاكتورلاردىڭ مەملەكەت قۇرىلىسىنا ىقپالىنىڭ تەرىس ستسەناريىنە جول بەرمەۋ, دامۋدىڭ قول جەتكىزىلگەن قارقىنىن ساقتاۋ, الەمنىڭ 30 دامىعان مەملەكەتىنە قاراي ىلگەرىلەۋ بويىنشا ناقتى تاپسىرمالار جۇكتەدى. مەملەكەت باسشىسى قويعان تاپسىرمالاردى جۇزەگە اسىرۋ سىرتقى ىستەر مينيسترلىگى قىزمەتىنىڭ باسىم باعىتتارىنىڭ ءبىرى بولىپ تابىلادى. مينيسترلىك شەتەلدەردەگى وكىلدىكتەرىنە ءتيىستى جۇمىستاردى ىلگەرىلەتۋ تۋرالى تاپسىرمالار بەردى.
«ەگەمەن-اقپارات».