پاۆلوداردا ۇلتتىق ۇلاننىڭ اسكەري قىزمەتشىلەرى ەكىنشى دۇنيەجۇزىلىك سوعىس ارداگەرى ماريا ماتيۋشينانى ءبىر عاسىرلىق مەرەيتويىمەن قۇتتىقتادى, دەپ جازادى Egemen.kz.
«شىعىس» وڭىرلىك قولباسشىلىعىنا قاراستى 5512 اسكەري ءبولىمنىڭ ۇجىمى مايدانگەرمەن ارقاشان تىعىز بايلانىس ورناتىپ, كەيۋانانىڭ شاڭىراعىنا ءجيى ات باسىن بۇرىپ تۇرادى. بۇل جولى دا اسكەري ءبولىم وركەسترى ارداگەر تۇراتىن ءۇيدىڭ اۋلاسىندا سوعىس اندەرىن شىرقادى. اۋەزدى ءاندى سىلتىدەي تىنىپ تىڭداعان اۋلا تۇرعىندارى ونەرپاز اسكەريلەرگە قوشەمەت ءبىلدىردى.
ۇلاندىقتار 100 جاسقا تولعان سوعىس ارداگەرىن تۋعان كۇنىمەن قۇتتىقتاپ, وتان قورعاۋ جولىنداعى ەرلىگى ءۇشىن العىسىن ءبىلدىرىپ, زور دەنساۋلىق جانە ۇزاق عۇمىر تىلەدى.
ايتا كەتسەك, ماريا الەكسەەۆنا ماتيۋشينا 1926 جىلى جۇمىسشىلار وتباسىندا دۇنيەگە كەلگەن. 1942 جىلى 16 جاسار ماريا نوۆوموسكوۆسك قالاسىنا تاجىريبەگە كەلىپ, اتا-اناسىنا ايتپاي, اسكەري ماسكيروۆكا كۋرستارىنا ەرىكتى بولىپ جازىلادى. جاۋىنگەرلىك جولىندا قورعانىس قۇرىلىسى باسقارماسىنىڭ 225-ءشى قۇرامىندا, 104-ءشى اسكەري قۇرىلىس جاساعىنىڭ قۇرامىندا بەلارۋسكە دەيىن جەتكەن. ارداگەر جەڭىستى فينليانديا شەكاراسىندا قارسى العان.
سۇراپىل سوعىس اياقتالعاننان كەيىن وتاۋ قۇرىپ, 3 ۇل مەن 1 قىز تاربيەلەپ ءوسىردى. كەيۋانانىڭ 11 نەمەرەسى, 29 شوبەرەسى, 3 شوپشەگى بار.
جەتىسۋ گارنيزونىنىڭ اسكەريلەرى 102 جاستاعى مايدانگەردى قۇتتىقتادى