كونستيتۋتسيالىق كوميسسيانىڭ ءۇشىنشى وتىرىسىندا ادام قۇقىقتارى جونىندەگى ۋاكىل ارتۋر لاستاەۆ ادام مەن ازاماتتىڭ نەگىزگى قۇقىقتارى مەن بوستاندىقتارىن قورعاۋدى كۇشەيتۋگە باعىتتالعان ۇسىنىستار جونىندە ءسوز سويلەدى, دەپ حابارلايدى Egemen.kz.
ا.لاستاەۆ ءومىر ءسۇرۋ قۇقىعىن ءابسوليۋتتى قۇقىق رەتىندە بەكىتۋ باستامالارىن قولداۋ قازىرگى قازاقستاندىق مەملەكەتتىڭ باستى قۇندىلىقتارىن كورسەتەتىنىن اتاپ ءوتتى.
ء«بىز مۇمكىندىگىنشە ءومىر ءسۇرۋ قۇقىعىن ءابسوليۋتتى ەتۋگە ءوتىنىش بىلدىردىك. بۇعان كوپتەگەن بەدەلدى ساراپشىلار, سونىڭ ىشىندە حالىقارالىق دەڭگەيدەگىلەر دە: «جارايسىڭدار!» دەپ ايتادى», دەدى ول.
س.پونومەرەۆ: «تازا قازاقستان» – كونستيتۋتسياداعى جاڭا جاۋاپكەرشىلىك ولشەمى
ومبۋدسمەننىڭ ايتۋىنشا, ءومىر ءسۇرۋ قۇقىعىنىڭ ءابسوليۋتتى سيپاتىن كونستيتۋتسيادا بەكىتۋ تەك ءولىم جازاسىنان باس تارتۋدى بىلدىرمەيدى, سونىمەن قاتار كەز كەلگەن جاعدايدا – اپات كەزىندە, اۋىر حالدە نەمەسە شابۋىل جاسالعاندا – ازاماتتاردىڭ ءومىرىن مىندەتتى قورعاۋدى قامتاماسىز ەتەدى.
ارتۋر لاستاەۆ ءادىل سوتقا كەپىلدىكتەردى ادامنىڭ نەگىزگى قۇقىقتارى مەن بوستاندىقتارى بولىمىنە كوشىرۋ جونىندەگى ۇسىنىستار قازاقستاننىڭ ۇلتتىق قۇندىلىقتارى مەن تاريحي تاجىريبەسىنە تولىق سايكەس كەلەتىنىن ايتتى.
«بۇل قاعيداتتار بيلەر سوتى داۋىرىنەن بەرى قالىپتاسىپ, ازاماتتاردىڭ ار-نامىسى مەن قادىر-قاسيەتىن, جەكە بوستاندىعىن جانە جەكە ومىرىنە قول سۇعىلماۋشىلىقتى ءداستۇرلى تۇردە قورعاپ كەلگەن. بۇل قاعيداتتاردى نەگىزگى ادام قۇقىقتارىنىڭ قاتارىنا ەنگىزە وتىرىپ, ءبىز كونستيتۋتسيادا ۇلتتىق قۇندىلىقتارىمىزدى ءارى تاريحي تاجىريبەمىزدى بەينەلەيمىز», دەپ تۇيىندەدى ا.لاستاەۆ.
ن.شاتالوۆ: كونستيتۋتسيالىق رەفورما شەڭبەرىندە ءسوز بوستاندىعى جانە بەيبىت جينالىستار قۇقىعى ساقتالادى
سونىمەن قاتار, ول كونستيتۋتسيانىڭ جەتىنشى ءبولىمىنىڭ اتاۋىن وزگەرتۋ باستاماسىن قولداپ, بۇل وزگەرىستەر ادام قۇقىقتارىن قورعاۋعا باسىمدىق بەرۋدى كۇشەيتەتىنىن اتاپ ءوتتى. ومبۋدسمەننىڭ پىكىرىنشە, جاڭارتىلعان كونستيتۋتسيا رەداكتسياسىندا وسى نورمالاردى بەكىتۋ قازاقستان ءۇشىن ادام مەن ونىڭ قۇقىقتارى مەن بوستاندىقتارى – ەڭ جوعارى قۇندىلىق ەكەنىن راستايدى.
ب.التىنبەكوۆ: كونستيتۋتسيالىق رەفورما – دامۋدىڭ جاڭا باعىتىن تاڭداۋ