كونستيتۋتسيالىق رەفورما جونىندەگى كوميسسيانىڭ ءۇشىنشى وتىرىسىندا قازاقستان حالىق پارتياسى پرەزيدەنت قاسىم-جومارت توقاەۆ ۇسىنعان باستامالاردى تالقىلاۋعا بەلسەندى قاتىسىپ جاتقانىن مالىمدەدى. پارتيا وكىلى ماگەررام ماگەرراموۆ اتا زاڭعا وزگەرىستەر ەنگىزۋ ەل دامۋى ءۇشىن تاريحي ماڭىزى بار ۇدەرىس ەكەنىن اتاپ ءوتتى, دەپ حابارلايدى Egemen.kz.
ونىڭ ايتۋىنشا, ەلدى جاڭعىرتۋدىڭ ءتۇيىندى باعىتتارىنىڭ ءبىرى – پروپورتسيونالدى نەگىزدە قۇرىلاتىن ءبىر پالاتالى پارلامەنت قالىپتاستىرۋ جونىندەگى ۇسىنىس. حالىق پارتياسى بۇل قادام ساياسي باسەكەنى كۇشەيتىپ, پارتيالاردىڭ مەملەكەتتىك ساياساتتى قالىپتاستىرۋداعى ءرولىن ارتتىرادى دەپ ەسەپتەيدى.
ء«بىر پالاتالى پارلامەنتتە پروپورتسيونالدى سايلاۋ جۇيەسى – بۇل, ءسوزسىز, ساياسي پارتيالاردى نىعايتۋ, ولاردىڭ مەملەكەتتىك ساياساتقا ىقپالىن ارتتىرۋ. كوپپارتيالىق وكىلدىك – دەموكراتيانىڭ كورسەتكىشى جانە ساياسي جۇيەنىڭ تۇراقتىلىعىنىڭ نەگىزى», دەدى ماگەررام ماگەرراموۆ.
نۇرلان بەكنازاروۆ: قۇرىلتايدىڭ كەلىسىمىنسىز دەپۋتاتتى جاۋاپكەرشىلىككە تارتۋعا بولمايدى
پارتيا وكىلىنىڭ پىكىرىنشە, جاڭا پارلامەنتتىك مودەل زاڭ شىعارۋشى بيلىكتىڭ سالماعىن ارتتىرىپ, شەشىم قابىلداۋ ۇدەرىسىنىڭ تيىمدىلىگىن كۇشەيتەدى. بۇل ءوز كەزەگىندە ساياسي جۇيەنىڭ ورنىقتىلىعىنا قىزمەت ەتەدى. سونىمەن بىرگە كونستيتۋتسيادا «زاڭ مەن ءتارتىپ» قاعيداتىن بەكىتۋ ازاماتتاردىڭ قۇقىقتارى مەن مىندەتتەرى اراسىنداعى تەپە-تەڭدىكتى قامتاماسىز ەتۋگە مۇمكىندىك بەرەدى.
«زاڭ ءتارتىپسىز كۇشىن جوعالتادى, ال زاڭسىز ءتارتىپ وزبىرلىققا اينالادى. سوندىقتان «زاڭ مەن ءتارتىپ» – ادىلەتتى قوعامنىڭ اجىراماس قۇرامداس بولىكتەرى جانە ازاماتتاردىڭ قاۋىپسىزدىگى مەن ەركىندىگىنىڭ كەپىلى», دەدى ول.
ەلنۇر بەيسەنباەۆ: كونستيتۋتسيالىق رەفورما ساياسي پارتيالاردىڭ ينستيتۋتسيونالدىق ءرولىن ارتتىرادى
ماگەررام ماگەرراموۆ ءسوز سوڭىندا ۇسىنىلىپ وتىرعان كونستيتۋتسيالىق وزگەرىستەر ءتيىمدى ءارى جاۋاپتى پارلامەنت قۇرۋعا جول اشاتىنىنا سەنىم ءبىلدىردى. ونىڭ پايىمداۋىنشا, بۇل رەفورمالار قوعامدىق دامۋدىڭ نەگىزگى قوزعاۋشى كۇشىنە اينالىپ, ادىلەتتى قازاقستاندى قالىپتاستىرۋعا بەرىك نەگىز قالايدى.
سەرىك ەگىزباەۆ ەكولوگيالىق قۇندىلىقتاردى اتا زاڭدا ۇلتتىق باسىمدىق دەپ بەكىتۋدى ۇسىندى