پرەزيدەنت باس پروكۋراتۋرادا جيىن وتكىزىپ, ەلىمىزدە اۋقىمدى وزگەرىستەر جاسالىپ جاتقانىن جانە الدىمىزدا كونستيتۋتسيالىق رەفورما جۇرگىزۋ, مۇلدە جاڭا ساياسي جۇيەگە قادام باسۋ مىندەتى تۇرعانىن ايتتى, دەپ جازادى Egemen.kz.
سونىمەن قاتار جاڭا داۋىردە بارلىق سالاعا تسيفرلاندىرۋ مەن جاساندى ينتەللەكتىنى جاپپاي ەنگىزۋ جۇمىسىمەن بەلسەندى تۇردە اينالىسۋ قاجەت ەكەنىن اتاپ ءوتتى.
قاسىم-جومارت توقاەۆ قوعامىمىزعا, جالپى ەلىمىزگە زاڭ ۇستەمدىگى, ءتارتىپ مىقتىلىعى اۋاداي قاجەت ەكەنىن ايتتى.
«كەيبىر شەت ەلدەردە بولىپ جاتقان قازىرگى وتە كۇردەلى احۋالدى كورىپ, بۇل ساياساتىمىزدىڭ دۇرىستىعىنا ءبارىمىزدىڭ كوزىمىز جەتىپ وتىر, وعان ەشقانداي كۇمان جوق. زاڭ مەن ءتارتىپ مەملەكەتتىك ساياساتىمىزدىڭ نەگىزگى قاعيداتى رەتىندە قابىلدانۋى كەرەك, بۇل قاعيداتتى جاڭا كونستيتۋتسيامىزعا مىندەتتى تۇردە ەنگىزۋ قاجەت دەپ سانايمىن. سەبەبى بۇل ەشقاشان وزەكتىلىگىن جوعالتپايتىن, ومىرشەڭ قاعيدات ەكەنى داۋسىز. باس پروكۋراتۋرانىڭ وسى سالاداعى ءرولى اسا ماڭىزدى. پروكۋراتۋرا قىزمەتكەرىنىڭ زاڭنىڭ بۇزىلۋىنا بەيتاراپ, سەلقوس قاراۋعا قۇقىعى جوق», دەدى پرەزيدەنت. بۇعان دەيىن پرەزيدەنت قىسقى وليمپياداعا قاتىساتىن ۇلتتىق قۇراما مۇشەلەرىنە مەملەكەتتىك تۋدى تاپسىرعانىن حابارلاعانبىز.