كونستيتۋتسيالىق كوميسسيانىڭ ەكىنشى ءوتىرىسىندا ماجىلىس دەپۋتاتى سنەجاننا يماشەۆا ءبىرىنشى وتىرىس قورىتىندىسى بويىنشا دايىندالعان سالىستىرمالى كەستەنى تانىستىرىپ, پرەامبۋلا مەن 1-39 باپتاردى جۇيەلى تۇردە قاراۋدى ۇسىندى, دەپ جازادى Egemen.kz.
ۇسىنىلعان وزگەرتۋلەر كونستيتۋتسيالىق قۇرىلىمنىڭ نەگىزدەرىن ناقتىلاۋ جانە نىعايتۋعا, نورمالاردىڭ قۇقىقتىق انىقتىعىن ارتتىرۋعا, سونداي-اق قۇقىق قورعاۋ مەحانيزمدەرىن كۇشەيتۋگە باعىتتالعان. دەپۋتات پرەامبۋلانىڭ ءمان-ماعىناسىنا جانە قازىرگى الەۋمەتتىك ۇردىستەردى ەسكەرە وتىرىپ, كونستيتۋتسيالىق نورمالاردى جاڭارتۋ قاجەتتىلىگىنە نازار اۋداردى.
«كونستيتۋتسيانىڭ پرەامبۋلاسى – بۇل تەك كىرىسپە ەمەس, نەگىزگى زاڭنىڭ يدەيالىق-مورالدىق وزەگى, ماقساتتى ايقىندايتىن جانە مەملەكەتتىڭ دامۋ باعىتىن بەلگىلەيتىن باستى باعدار», دەدى سنەجاننا يماشەۆا.
كونستيتۋتسيالىق رەفورما جونىندەگى كوميسسيا وتىرىسى ءوتىپ جاتىر
ودان كەيىنگى تالقىلاۋ كونستيتۋتسيانىڭ I جانە II بولىمدەرىندەگى نورمالارعا قاتىستى بولدى, سونىڭ ىشىندە قۇقىقتىق جانە زايىرلى مەملەكەت پرينتسيپتەرىن بەكىتۋ, ادام قادىر-قۇقىعىن, ءومىر ءسۇرۋ قۇقىعىن, جەكە ەركىندىك پەن تۇلعانىڭ قاۋىپسىزدىگىن قورعاۋ, سونداي-اق جەكە ءومىر مەن جەكە دەرەكتەردى قورعاۋ ماسەلەلەرى قارالدى. سونىمەن قاتار كونستيتۋتسيالىق پرينتسيپتەردىڭ نورماتيۆتىك مارتەبەسىن كۇشەيتۋ جانە ولاردىڭ پراكتيكالىق قولدانىلۋىن قامتاماسىز ەتۋ جونىندەگى ۇسىنىستار تالقىلاندى.
كونستيتۋتسيالىق رەفورما: «قۇرىلتاي» مەن «حالىق كەڭەسىنىڭ» وكىلەتتىگى تالقىلاندى
ۇسىنىلىپ وتىرعان وزگەرىستەر كونستيتۋتسيالىق نورمالاردىڭ قولدانىلۋ تيىمدىلىگىن ارتتىرۋعا جانە ولاردىڭ تۇسىندىرىلۋىنە ءبىرتۇتاس ءتاسىل قالىپتاستىرۋعا باعىتتالىپ وتىر.
كونستيتۋتسيالىق كوميسسيانىڭ ەكىنشى وتىرىسىندا ادامي كاپيتالدى, ءبىلىم بەرۋدى, عىلىم مەن مادەنيەتتى دامىتۋ, الەۋمەتتىك كەپىلدىكتەردى كۇشەيتۋ, قورشاعان ورتانى قورعاۋ جانە وتباسىنىڭ قۇقىقتارىن ساقتاۋ سياقتى باستامالار قارالدى. ايتا كەتەيىك, ۇسىنىستاردى قاراۋ كەزەڭ-كەزەڭىمەن جۇزەگە اسىرىلىپ, كونستيتۋتسيالىق كوميسسيانىڭ كەلەسى وتىرىستارىندا جالعاسادى.
ادىلەت ءمينيسترى كونستيتۋتسياعا قانداي وزگەرىستەر ەنگىزىلەتىنىن ايتتى