كونستيتۋتسيالىق كوميسسيانىڭ ەكىنشى وتىرىسىندا ادىلەت ءمينيسترى ەرلان سارسەمباەۆ نەگىزگى زاڭعا بىرقاتار وزگەرىس ەنگىزۋدى ۇسىندى. اتالعان وزگەرىستەر ازاماتتاردان, ساياسي پارتيالاردان, قوعامدىق ۇيىمدار مەن ساراپشىلاردان تۇسكەن ۇسىنىستاردى ەسكەرە وتىرىپ ازىرلەندى, دەپ جازادى Egemen.kz.
اتاپ ايتقاندا, ۇكىمەتتىڭ, كونستيتۋتسيالىق سوتتىڭ, پروكۋراتۋرا جانە سوت بيلىگى ورگاندارىنىڭ جەكەلەگەن فۋنكتسيالارىن, قۇقىق قورعاۋ تەتىكتەرىن, جەرگىلىكتى ءوزىن-ءوزى باسقارۋدى, جەكەلەگەن اۋماقتاردا ارنايى قۇقىقتىق رەجيم بەلگىلەۋ قاعيداتتارىن, سونداي-اق كونستيتۋتسياعا وزگەرىستەر مەن تولىقتىرۋلار ەنگىزۋ ءتارتىبىن رەگلامەنتتەيتىن كونستيتۋتسيانىڭ بولىمدەرى مەن باپتارىنا وزگەرىستەر ەنگىزۋ ۇسىنىلادى.
تۇزەتۋلەردىڭ جەكە بلوگى بولاشاق ءبىر پالاتالى پارلامەنتتىڭ – قۇرىلتايدىڭ قىزمەتىنە قاتىستى بولادى. مىسالى, توراعانى تاعايىنداۋ, ونىڭ دەپۋتاتتىق كورپۋسىن قالىپتاستىرۋ ءتارتىبى جانە وزگە دە راسىمدىك جاعدايلار ايقىندالادى.
كونستيتۋتسيالىق رەفورما جونىندەگى كوميسسيا وتىرىسى ءوتىپ جاتىر
ەرلان سارسەمباەۆتىڭ ايتۋىنشا, كونستيتۋتسياعا وزگەرىستەر مەن تولىقتىرۋلار ەنگىزۋ ءتارتىبىنىڭ ماڭىزدىلىعىن ەسكەرە وتىرىپ, ءتيىستى رەگلامەنتتەۋشى نورمالاردى جەكە بولىمگە ءبولۋ ۇسىنىلادى.
ۇكىمەت فۋنكتسيالارىن رەگلامەنتتەۋدى وزگەرتۋ شەڭبەرىندە مەملەكەتتىك باعدارلامالاردى بەكىتۋدى, سونداي-اق مەملەكەتتىك كوميتەتتەرگە قاتىستى وكىلەتتىكتەردى الىپ تاستاۋ ۇسىنىلادى. اتاپ ايتقاندا, ولاردىڭ قىزمەتىن باسقارۋ, اكتىلەرىنىڭ كۇشىن جويۋ جانە توقتاتا تۇرۋ.
«مەملەكەتتىك جوسپارلاۋدىڭ جاڭا جۇيەسىنە سايكەس مەملەكەتتىك باعدارلامالار اتالعان جۇيەنىڭ قۇجاتتارى بولىپ سانالمايدى. مۇنداي باعدارلامالار قاجەتتىلىگىنە قاراي ازىرلەنىپ, بەكىتىلەتىن بولادى», دەپ اتاپ ءوتتى ادىلەت ءمينيسترى.
ەرلان سارسەمباەۆ ەلىمىزدە 2021 جىلدان باستاپ مامانداندىرىلعان اكىمشىلىك سوتتاردىڭ ەنگىزىلۋى قۇقىق ۇستەمدىگى قاعيداتىن نىعايتۋداعى جانە مەملەكەت پەن ازامات اراسىنداعى ناقتى تەڭگەرىمدى قامتاماسىز ەتۋدەگى ماڭىزدى قادام بولعانىن ەسكە سالدى.
ەرلان قارين: كونستيتۋتسيالىق كوميسسيانىڭ قۇرىلۋى تاريحي وقيعا
«وسىعان بايلانىستى كونستيتۋتسيانىڭ ءتيىستى بابىندا سوت بيلىگى اكىمشىلىك سوت ءىسىن جۇرگىزۋ ارقىلى جۇزەگە اسىرىلاتىنىن تىكەلەي كورسەتۋ ۇسىنىلادى. بۇل اكىمشىلىك سوتتارعا كونستيتۋتسيالىق-قۇقىقتىق مارتەبە بەرەدى, جاريا-قۇقىقتىق داۋلاردا ازاماتتاردىڭ قۇقىقتارىن قورعاۋ كەپىلدىكتەرىن ارتتىرادى جانە قوعامنىڭ سوت بيلىگىنە سەنىمىن نىعايتادى», دەدى ول.
جالپى ەرلان سارسەمباەۆتىڭ ايتۋىنشا, ەنگىزىلەتىن وزگەرىستەر مەملەكەتتىك جۇيەنىڭ تيىمدىلىگىن كۇشەيتەدى, ول تەك قانا جەكە تۇلعالاردىڭ ەمەس, جاريا بيلىك ينستيتۋتتارىنىڭ ساپاسىنا بايلانىستى بولادى.
«قوعام ءۇشىن بۇل مەملەكەتتىڭ سىرتقى نەمەسە ىشكى جاعدايلارعا قاراماستان دايەكتى ءارى قۇقىقتىق تۇرعىدا ارەكەت ەتەتىنىنە بولجامدىلىق پەن سەنىمدىلىكتى بىلدىرەدى. الەۋمەتتىك مىندەتتەمەلەر ورىندالىپ جاتىر, ەكونوميكالىق پروتسەستەر جالعاسىپ, حالىقارالىق مىندەتتەمەلەر ساقتالادى», دەپ قورىتىندىلادى مينيستر.
ارتۋر لاستاەۆ كونستيتۋتسيادا ءومىر ءسۇرۋ قۇقىعىنىڭ ابسوليۋتتىك باسىمدىعىن بەكىتۋدى ۇسىندى