بەكزات بولمىسى قۇرمەتكە لايىق

ءىس-شارانى مەملەكەتتىك سىيلىقتىڭ لاۋرەاتى, فيلولوگيا عىلىمدارىنىڭ دوكتورى, پروفەسسور ساۋىتبەك ابدراح­مانوۆ جۇرگىزىپ, كونفەرەنتسيا بارىسىندا الىبەك اسقار شىعارماشىلىعىنىڭ قازىرگى ادەبي ۇدەرىستەگى ورنىن كور­سەتۋ, جازۋشىنىڭ تاقىرىپتىق, كور­­كەمدىك, ەستەتيكالىق نىسانالارىن وقىرمانعا تانىتۋ باستى نازاردا بولا­تىنىن جەتكىزىپ, مەملەكەت باس­شىسى قاسىم-جومارت توقاەۆتىڭ قۇتتىقتاۋ حاتىن وقۋ ءۇشىن العاشقى ءسوزدى پرەزيدەنت كەڭەسشىسى, ۇلتتىق عىلىم اكادەمياسىنىڭ اكادەميگى باۋىرجان ومار ۇلىنا بەردى. عالىم-قالامگەر مەملەكەت باسشىسىنىڭ ىقىلاستى لەبىزىن جەتكىزگەننەن كەيىن الىبەك اسقار تۋرالى قىزىقتى ەستە­لىكتەرىمەن ءبولىسىپ, التايدان شىققان جازۋشىلار سوزبەن سۋرەت سالۋعا كەلگەندە ەشكىمگە ەسە جىبەرمەيتىنىن, كوزىن اشا سالا مۇزتاۋ سىندى كوككە شانشىلعان اق سۇڭگىلى كوركەمدىكتى كورىپ وسكەن قاليحان ىسقاق, ورالحان بوكەي, كادىربەك سەگىزباي, مارات قابانباي, ديداحمەت ءاشىمحان, الىبەك اسقار, نۇرداۋلەت اقىش, الىبەك قاڭتارباەۆ, تالاپتان احمەت­جان, اسقار التاي, اناتولي يۆانوۆ سىندى قالامگەرلەر پروزاداعى پورترەت پەن پەيزاجدىڭ شەبەرلەرى ەكەنىن, سولاردىڭ اراسىندا الىبەك اسقار ءور التايدى قالاممەن دە, قىلقالاممەن دە جىرلاعانىن ايتا كەلىپ, جازۋشىنىڭ سۋرەتشىلىك ونەرىنە ەرەكشە توقتالدى.

عىلىمي-تاجىريبەلىك كونفەرەنتسيا باسىندا مەرەيتوي يەسىنە دەگەن پارلامەنت سەناتىنىڭ توراعاسى ماۋلەن اشىمباەۆتىڭ لەبىزىن سەناتور نۇرتورە ءجۇسىپ, پارلامەنت ءماجىلىسىنىڭ توراعاسى ەرلان قوشانوۆتىڭ ىقىلاستى ءسوزىن ءماجىلىس دەپۋتاتى ەرلان سايروۆ, مەملەكەتتىك كەڭەسشى ەرلان قاريننىڭ سالەمىن اقىن قالقامان سارين, پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆانىڭ قۇتتىقتاۋىن مادەنيەت جانە اقپارات مينيسترلىگى كىتاپ ءىسى باسقارماسىنىڭ باسشىسى الماز مىرزاحمەت جەتكىزىپ, قالامگەردىڭ يىعىنا شىعىس قازاقستان وبلىسىنىڭ اكىمى نۇرىمبەت ساقتاعانوۆ پەن استانا قالاسى اكىمى جەڭىس قاسىمبەك اتىنان شاپان جابىلدى. سونداي-اق ساحا رەس­پۋبليكاسى (ياكۋتيا) جازۋشىلار وداعىنىڭ مۇشەسى, اۋدارماشى, پۋبليتسيست ۆالەري لۋكوۆتسەۆ, قازاقستان مەن قىرعىزستاننىڭ ەڭبەك سىڭىرگەن مادەنيەت قايراتكەرى, كومپوزيتور, جازۋشى ءىليا جاقانوۆ, قازاقستان جازۋشىلار وداعى استانا فيليالىنىڭ ديرەكتورى باۋىرجان بابا­جان ۇلى, جازۋشى جۋرناليست الىبەك قاڭتارباەۆ سىندى ازاماتتار ءسوز سويلەپ, الىبەك اسقاردىڭ قازاق ادەبيەتىندەگى ورنىنا, مەملەكەت جانە قوعام قايراتكەرى رەتىندەگى ۇشان-تەڭىز ەڭبەگىنە توقتالدى. ماسەلەن, اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى, اكادەميك كەنجەحان ماتىجانوۆ: «الىبەك اسقاردىڭ استانادا العاش كوشكەن اقپارات مينيسترلىگىنىڭ جۇمىسىن جولعا قويۋ, باسپا ءىسىن ۇيىمداستىرۋ باعىتىنداعى ەڭبەگىن ەرەكشە اتاپ وتۋگە بولادى. مۇحتار اۋەزوۆ اتىنداعى ادەبيەت جانە ونەر ينستيتۋتىنىڭ اتقارعان جۇمىستارىندا دا الەكەڭنىڭ ءوز قولتاڭباسى بار دەپ ويلايمىن. «مادەني مۇرا» باعدارلاماسى اياسىندا اتقارىلعان ىستەردىڭ باسىندا الىبەك اسىلباي ۇلى تۇرعانى بەلگىلى. سونىڭ ىشىندە قازاق فولكلورىنىڭ 100 تومدىعى – «بابالار ءسوزى» سەكىلدى الەمگە ماقتانىشپەن ايتا الاتىن ۇلكەن جوبالار بار. بۇل ەڭبەكتەردىڭ جارىق كورۋىنە الەكەڭنىڭ ۇيىمداستىرۋشىلىق قابىلەتى زور ىقپال ەتتى. ءتىل سالاسىندا دا الەكەڭنىڭ ۇلكەن قولتاڭباسى بار. اسىرەسە 34 تومدىق تەرمينولوگيالىق سوزدىكتى شىعارۋ اسا كۇردەلى, اۋىر جۇمىس بولدى. ونى كىم باسادى, قارجىسىن قايدان تابامىز, قالاي ۇيىم­داستىرامىز دەگەن ماسەلەنىڭ ءبارىن الە­­كەڭ شەشىپ, الەم ادەبيەتىنىڭ قازاق تىلىنە اۋدارىلعان 25 تومدىق جيناعىن شى­عارۋ ءىسىن دە ءوزى تىكەلەي ۇيىمداستىردى», دەدى.

وسىنداي رەسمي قۇتتىقتاۋلاردان سوڭ حالىقارالىق عىلىمي-تاجىريبەلىك كونفەرەنتسيانىڭ باياندامالارىنا كەزەك بەرىلىپ, «قازاق گازەتتەرى» سەرىكتەستىگىنىڭ باس ديرەكتورى, ۇعا اكادەميگى ديحان قامزابەك ۇلى «ۇلت مۇراتى جانە قالامگەر پارىزى» تاقىرىبىندا ءسوز سويلەدى. ء«بىز الىبەك اسىلباي ۇلىن قادىرلەيمىز, باعالايمىز. ونىڭ ەلەۋلى ازاماتتىعى مەن بيىك مادەنيەتى, كاسىبي بىلىكتىلىگى مەن پاراساتى, زيالى ۇستانىمى مەن بەكزات ديپلوماتياسى – ءبارى دە قۇرمەتكە لايىق. الەكەڭنىڭ قىزمەت جولىنا ۇڭىلسەڭىز دە, شىعارماشىلىق بەلەسىنە كوز سالساڭىز دا, ەل مۇراتىن تەرەڭ سەزىنۋ مەن قالامگەرلىك پارىزدى قاتار الىپ جۇرگەنىن كورەسىز. «70–80 جىلدارى الىبەك اسقار ەسىمى ء«بىلىم جانە ەڭبەك» جۋرنالى ارقىلى الىستاعى اۋىلدارعا اي سايىن جەتىپ, جادىمىزدا جاتتالدى. بۇل باسىلىم ءبىزدى ىزدەنىسكە جەتەلەدى, قازاق الەمىنىڭ تەرەڭ سىرلارى بىرتە-بىرتە اشىلاتىنىنا سەندىردى. تالاي بۋىننىڭ بويىندا ۇلت مۇراتى مەن ەلدىك قىزمەت وسىلايشا ءباسپاسوزدىڭ كۇشىمەن قالىپتاستى دەپ ويلايمىز», دەدى ءوز سوزىندە.

سونىمەن قاتار ديحان قامزابەك ۇلى ەلوردامىز استاناعا كوشىپ, ورنىعا باستا- عان جىلدارى الىبەك اسقاردىڭ مينيسترلىك­تىڭ مەملەكەتتىك باسپا باعدارلامالارىن قالىپتاستىرۋ دەپارتامەنتىنىڭ, كەيىن اتاۋ­ى وزگەرگەن باسپا جانە باسپاحانا ىستەرى دەپارتامەنتىنىڭ ديرەكتورى بولعانىن, رۋحاني تۇرعىدان قانشاما ەلدىك جوبالاردى جۇزەگە اسىرعانىن, جاس تالانتتاردى قولداپ, ورتا جانە اعا بۋىننىڭ ەڭسەسىن كوتەرىپ, عالىمداردى جىگەرلەندىرگەنىن, وسىلاي ۇلت مۇراتىنا ادال قىزمەتى ەتكەنىن اڭگىمەلەدى.

سونىمەن قاتار ءىس-شارا اياسىندا تۇركيانىڭ ەگە ۋنيۆەرسيتەتى تۇركى دۇنيە­سىن زەرتتەۋ ينستيتۋتىنىڭ پروفەسسورى مەتين ەكيجي «الىبەك اسقاردىڭ «مونا ليزانىڭ پورترەتى» اتتى پروزا جيناعىنداعى كەيىپكەرلەر جۇيەسى», تاعى دا تۇركيانىڭ كاستامونۋ ۋنيۆەرسيتەتىنىڭ پروفەسسورى ورحان سويلەمەز «الىبەك اسقاردىڭ مۇزتاۋدان قازاق ەلىنە, قازاق جەرىنە قاراۋى», م.اۋەزوۆ اتىنداعى ادەبيەت جانە ونەر ينستيتۋتى تاۋەلسىزدىك داۋىرىندەگى ادەبيەت ءبولىمىنىڭ باس عىلىمي قىزمەتكەرى, فيلولوگيا عىلىمدارىنىڭ دوكتورى نۇرداۋلەت اقىش «الىبەك اسقار شىعارمالارىنداعى يۋمورلىق ۇستانىم مەن ميستيكالىق سارىن», رەسەي جازۋشىلار وداعىنىڭ مۇشەسى, كينورەجيسسەر اسەل ومار «ەپيفاني ي پوەتيكا پروزرەنيا ۆ پروزە اليبەكا اسكاروۆا», س.امانجولوۆ اتىنداعى شىعىس قازاقستان ۋنيۆەرسيتەتىنىڭ پروفەسسورى بەردىبەك بياروۆ «الىبەك اسقار شىعارمالارىنداعى جەر-سۋ اتاۋلارى» اتتى باياندامالار جاسالدى. كونفەرەنتسيا قورىتىندىسى بويىنشا ماقالالار جيناعى باسىلىپ شىعاتىنى حابارلاندى.