ماڭعىستاۋ وبلىسىندا العاش رەت BIOTRONIK Home Monitoring قاشىقتان باقىلاۋ جۇيەسىنە قوسىلاتىن جۇرەك ىرعاعىن رەتتەيتىن كارديوستيمۋلياتور ورناتۋ بويىنشا جوعارى تەحنولوگيالىق وپەراتسيا ءساتتى جۇزەگە استى, دەپ حابارلايدى Egemen.kz.
اتالعان وپەراتسيا مىندەتتى الەۋمەتتىك مەديتسينالىق ساقتاندىرۋ ء(مامس) اياسىندا تاراز قالاسىنان كەلگەن ەمدەلۋشىگە جاسالدى. بۇل زاماناۋي كارديولوگيالىق كومەكتىڭ ازاماتتاردىڭ تۇرعىلىقتى جەرىنە قاراماستان قولجەتىمدى ەكەنىن كورسەتەدى.
ەلىمىزدە 59 ادامعا قۇنى 79 ملن تەڭگە تۇراتىن وپەراتسيا تەگىن جاسالدى
BIOTRONIK Home Monitoring جۇيەسى پاتسيەنتتىڭ دەنساۋلىق جاعدايى مەن يمپلانتاتسيالانعان كارديوستيمۋلياتوردىڭ جۇمىسىن تاۋلىك بويى قاشىقتان اۆتوماتتى تۇردە باقىلاۋعا مۇمكىندىك بەرەدى. دارىگەرگە كۇن سايىن ەلەكتروندىق پوشتا ارقىلى جۇرەك قىزمەتىنىڭ نەگىزگى كورسەتكىشتەرى مەن قۇرىلعىنىڭ تەحنيكالىق جاي-كۇيى جونىندە ەسەپ جولدانادى. مامانداردىڭ ايتۋىنشا, بۇل پاتسيەنتتىڭ مەديتسينالىق مەكەمەگە بارۋىنسىز تۇراقتى باقىلاۋدا بولۋىن قامتاماسىز ەتىپ, جۇرەك-قانتامىر جۇيەسىندەگى اۋىتقۋلاردى دەر كەزىندە انىقتاۋعا جانە قاۋىپتىڭ الدىن الۋعا جاعداي جاسايدى.
«بۇل وپەراتسيا ەلىمىزدىڭ بىرقاتار وڭىرىندە جاسالعانىمەن, ماڭعىستاۋ وبلىسىندا العاش رەت وتكىزىلدى. اپپاراتتىڭ قىزمەت ەتۋ مەرزىمى – 15 جىل, ال كولەمى بۇرىنعى ۇلگىدەن ەكى ەسە شاعىن. جۇيەنىڭ باستى ارتىقشىلىعى – ەمدەلۋشىلەردىڭ جاعدايىن قاشىقتان باقىلاۋعا مۇمكىندىك بەرۋى. قۇبىلمالى قىس مەزگىلىندە بۇل ءتاسىل وزگە وڭىرلەردەن كەلەتىن ناۋقاستار ءۇشىن دە, مەديتسينا ماماندارى ءۇشىن دە وتە قولايلى», دەدى ينتەرۆەنتسيالىق كارديولوگ ارمان اينازاروۆ.
Sofie MedGroup مىندەتتى الەۋمەتتىك مەديتسينالىق ساقتاندىرۋ اياسىندا مامانداندىرىلعان ءارى جوعارى تەحنولوگيالىق مەديتسينالىق كومەك كورسەتەدى. ەم الۋ ءۇشىن پاتسيەنت ۋچاسكەلىك دارىگەردەن جولداما الۋى قاجەت.
كۇردەلى وپەراتسيا ءساتتى اياقتالدى