ىشكى ىستەر مينيسترلىگى ۇيىمداسقان قىلمىسقا قارسى كۇرەس باسقارماسى اۆتونەسيە راسىمدەۋ سالاسىندا قىلمىستىق جۇيەنى توقتاتتى. 19 قاڭتار كۇنى الماتى, شىمكەنت قالالارى مەن الماتى, باتىس قازاقستان جانە تۇركىستان وبلىستارىندا الەۋمەتتىك وسال توپ ازاماتتارىنىڭ اتىنا اۆتونەسيە راسىمدەپ, كەيىن اۆتوكولىكتەردى شەتەلگە شىعارىپ وتىرعان قىلمىستىق توپ قولعا ءتۇستى, دەپ جازادى Egemen.kz.
كۇدىكتىلەر قورعانسىز ازاماتتاردى قورقىتىپ, قىسىم كورسەتىپ وز اتىنا اۆتونەسيە راسىمدەۋگە ماجبۇرلەگەن.ولاردى تولەم جاساۋعا قابىلەتتى رەتىندە كورسەتۋ ءۇشىن ەسەپشوتىنا ۋاقىتشا قارجى اۋدارىپ, ازاماتتاردىڭ نەسيە تاريحىن قولدان جاقسارتقان.قىلمىستىق توپ مۇشەلەرى جالعان قۇجاتتاردى پايدالانىپ, كولىكتەردى كەپىلگە قويىپ, ميكروقارجى ۇيىمدارىنان نەسيە العان. ودان سوڭ قىمبات اۆتوكولىكتەر شەتەلدە ساتىلعان.
حالىقتىڭ يپوتەكاعا سۇرانىسى تومەندەدى: اۆتونەسيەگە قىزىعۋشىلىق ارتتى
«قازىر وسىنداي 15 دەرەك انىقتالىپ, وزگە دە ەپيزودتار بويىنشا جۇمىس جۇرگىزىلىپ جاتىر. ءتىنتۋ ءىس-شارالارى بارىسىندا بىرنەشە اتىس جانە سۋىق قارۋ, وق-دارىلەر, سونداي-اق قىلمىستىق ارەكەتتەردى راستايتىن قۇجاتتار مەن اقپارات تاسىمالداعىشتار تاركىلەندى», دەلىنگەن ءىىم حابارلاماسىندا.
قىلمىستىق ىسكە قاتىسى بار نەگىزگى 6 كۇدىكتى قاماۋعا الىنىپ, ۋاقىتشا ۇستاۋ يزولياتورىنا قامالعان.
2025 جىلى اۆتونەسيە سالاسىندا نە وزگەرەدى؟
بۇعان دەيىن شەتەلدىكتەردەن اقشا بوپسالاعان قىلمىستىق توپ قولعا تۇسكەنىن حابارلاعانبىز.