ەلىمىزدە باعا ءوسىمى ءالى دە جوعارى بولعاندىقتان, ۇلتتىق بانك بازالىق مولشەرلەمەنى وزگەرىسسىز قالدىردى. ول جىلدىق 18% دەڭگەيىندە ساقتالىپ وتىر. بۇل شەشىم ينفلياتسيانى تەجەۋ ءۇشىن اقشا-كرەديت ساياساتىن قاتاڭ ۇستاۋ قاجەت دەگەن ۇستانىمعا نەگىزدەلگەن, دەپ جازادى Egemen.kz.
ۇلتتىق بانك مالىمەتىنشە, 2025 جىلدىڭ قورىتىندىسىندا ينفلياتسيا 12,3% بولدى. ياعني تاۋارلار مەن قىزمەتتەر ورتا ەسەپپەن وسى شامادا قىمباتتاعان. باعانىڭ وسۋىنە ەڭ الدىمەن ازىق-ت ۇلىك اسەر ەتكەن. ەت پەن مايدىڭ قىمباتتاۋى ءوندىرىس شىعىندارىنىڭ ارتۋىمەن جانە ەكسپورت كولەمىنىڭ كوبەيۋىمەن بايلانىستى.
ۇلتتىق بانك بازالىق مولشەرلەمە بويىنشا شەشىمدەر كەستەسىن بەكىتتى
ال ازىق-ت ۇلىككە جاتپايتىن تاۋارلاردىڭ باعاسى سوڭعى ايلاردا ءبىرشاما باياۋلادى. بۇعان تەڭگەنىڭ نىعايۋى ىقپال ەتكەن. كوممۋنالدىق قىزمەت تاريفتەرىن ۋاقىتشا ۇستاپ تۇرۋ دا قىزمەت باعاسىنىڭ كۇرت وسۋىنە جول بەرمەدى.
دەگەنمەن, جىل سوڭىندا جاعداي قايتا وزگەردى. 2025 جىلعى جەلتوقساندا باعا ءبىر ايدىڭ ىشىندە 0,9%-عا ءوستى. بۇل حالىقتىڭ سۇرانىسى ءالى دە جوعارى ەكەنىن كورسەتەدى. ياعني ادامدار كوپ ساتىپ الىپ جاتىر, ال ۇسىنىس وعان ىلەسە الماي وتىر.
مەملەكەت باسشىسى ۇلتتىق بانك توراعاسىن قابىلدادى
ال ساراپشىلار 2026 جىلى ينفلياتسيا 10,8% دەڭگەيىندە ساقتالۋى مۇمكىن دەپ بولجاپ وتىر.
سىرتقى جاعداي دا اسەر ەتپەي تۇرعان جوق. الەمدە ازىق-ت ۇلىك باعاسى ازداپ تومەندەگەنىمەن, ءالى دە قىمبات. گەوساياسي شيەلەنىستەر كۇشەيىپ, نارىقتاعى تۇراقسىزدىق ساقتالۋدا. مۇنىڭ ءبارى باعانىڭ تەز تومەندەۋىنە كەدەرگى كەلتىرەدى.
ۇلتتىق بانك الاياقتاردىڭ جاڭا ارەكەتتەرى تۋرالى ەسكەرتتى
سونىمەن قاتار قازاقستان ەكونوميكاسى 2025 جىلى 6,5%-عا ءوستى. قۇرىلىس, كولىك, ساۋدا جانە ونەركاسىپ سالالارى جاقسى دامىپ جاتىر. بىراق ەكونوميكانىڭ ءوسۋى دە ينفلياتسيانى كۇشەيتۋى مۇمكىن, سەبەبى اقشا اينالىمى ارتادى.
ۇلتتىق بانكتىڭ مالىمەتىنشە, باعانى وسىرەتىن نەگىزگى قاۋىپتەر – جانار-جاعارماي باعاسى, تاريفتەردىڭ قايتا كوتەرىلۋى, بيۋدجەت شىعىستارى جانە الداعى سالىق رەفورماسى. سوندىقتان قازىر مولشەرلەمەنى تومەندەتۋ ەرتە دەپ ەسەپتەلىپ وتىر.
ۇلتتىق بانك ءبىلىم گرانتتارىنا ءوتىنىم قابىلداۋدى باستادى
وسى سەبەپتەرگە بايلانىستى بازالىق مولشەرلەمە 2026 جىلدىڭ ءبىرىنشى جارتىجىلدىعىنىڭ سوڭىنا دەيىن 18% دەڭگەيىندە ساقتالۋى مۇمكىن. ال كەلەسى رەسمي شەشىم 2026 جىلعى 6 ناۋرىزدا جاريالانادى.
قىسقاسى, ۇلتتىق بانك ءۇشىن باستى ماقسات – باعانى باقىلاۋدا ۇستاۋ. سول ءۇشىن نەسيە قىمبات بولىپ قالا بەرەدى, ال بۇل شەشىم ينفلياتسيانى بىرتىندەپ تومەندەتۋگە باعىتتالعان.