«كسەلل» اق پارلامەنت دەپۋتاتتارىنا, قۇقىق قورعاۋ ورگاندارىنىڭ قىزمەتكەرلەرىنە جانە سالالىق مەملەكەتتىك ورگانداردىڭ وكىلدەرىنە تەلەفون الاياقتىعىنا قارسى ءىس-قيمىل بويىنشا جۇرگىزىلگەن جۇمىستىڭ ناتيجەلەرىن تانىستىردى, دەپ حابارلايدى Egemen.kz.
Kcell كومپانياسى 20 جىلدان استام ۋاقىت بويى الاياقتىققا قارسى (انتيفرود) ينفراقۇرىلىمدى جۇيەلى تۇردە دامىتىپ كەلەدى. كومپانيانىڭ مامانداندىرىلعان بولىمشەسى 2004 جىلدان بەرى تاۋلىك بويى جۇمىس ىستەيدى, ال الاياقتىق سحەمالاردى انىقتاۋعا ارنالعان ونەركاسىپتىك جۇيە (Fraud Management System) 2008 جىلدان باستاپ قولدانىلادى.
2024 جىلى بۇل جۇيە تولىقتاي جاڭارتىلدى. سونىمەن قاتار وپەراتور قولداناتىن SMS-فايەرۆولدار مەن ارنايى قورعانىس جۇيەلەرى كۇماندى ترافيكتى ابونەنتكە جەتپەي جاتىپ-اق سۇزگىدەن وتكىزەدى.
2022 جىلدان باستاپ وتاندىق نومىرلەردى بوگدە قوسىمشالار ارقىلى يەمدەنىپ الۋ ارەكەتتەرىنە توسقاۋىل قوياتىن قۇرال ىسكە قوسىلدى. سونداي-اق زاڭسىز («سۇر») ترافيك باعىتتارىن انىقتاپ, بۇعاتتايتىن تەستىلىك قوڭىراۋلار سەرۆيسى جۇمىس ىستەيدى.
2025 جىلى انتيفرود-جۇيە انومالدى بەلسەندىلىككە قاتىستى 66 مىڭنان استام سيگنالدى وڭدەدى, ولاردىڭ 87%-ى الاياقتىق بولىپ شىقتى. 2024 جىلى شامامەن 2,8 ملن كۇماندى قوڭىراۋ بۇعاتتالسا, 2025 جىلى بۇل كورسەتكىش 2 ملن-نان استى.
الماتىدا الاياقتىققا قاتىسى بار 17,6 مىڭ ينتەرنەت-رەسۋرس بۇعاتتالدى
ابونەنتتەردى قوسىمشا قورعاۋ ءۇشىن Kcell جەلىسىندە الاياق نومىرلەردى اۆتوماتتى انىقتاۋ سەرۆيسى قولدانىلادى, ونى وپەراتوردىڭ قوسىمشاسى ارقىلى ىسكە قوسۋعا بولادى. دەرەكقور كۇن سايىن كومپانيانىڭ جەكە اناليتيكاسى مەن سەرىكتەستەر دەرەكتەرى نەگىزىندە جاڭارتىلىپ وتىرادى. بۇل پايدالانۋشىلاردى كىرىس قوڭىراۋ كەزىندە ارنايى بەلگى ارقىلى ەسكەرتۋگە مۇمكىندىك بەرەدى.
«تەك بايلانىس وپەراتورلارى, بانكتەر مەن مەملەكەتتىك ورگانداردىڭ تىعىز ءوزارا ءىس-قيمىلى ارقىلى ازاماتتاردى قورعاۋدىڭ شىن مانىندە ءتيىمدى جۇيەسىن قۇرۋعا بولادى. ءبىزدىڭ مىندەتىمىز – قاۋىپ-قاتەرگە ارەكەت ەتۋ ۋاقىتىن قىسقارتۋ جانە ابونەنتتەردىڭ تسيفرلىق ورتادا ءوزىن قاۋىپسىز سەزىنۋى ءۇشىن بارىنشا جاعداي جاساۋ», دەدى «كسەلل» اق باسقارما توراعاسى اسقار جامباكين.
الاياقتاردىڭ ايلاسى وزگەردى: ەندى اقشانى «كۋرەر» بولىپ الىپ كەتەدى
پروكۋراتۋرامەن بىرلەسكەن جۇمىس اياسىندا الاياقتار جاپپاي قوڭىراۋ شالۋ ءۇشىن قولداناتىن 49 SimBox جانە SimBank قۇرىلعىسى تاركىلەنىپ, 28 كۇدىكتى قولعا ءتۇستى. وسى جىلدىڭ قاڭتار ايىندا الماتى قالاسىندا شەتەلدىك الاياقتاردىڭ call-ورتالىعى اشكەرەلەندى.
پوليتسيا دەرەگى: الاياقتاردىڭ ارباۋىنا كوبىندە كىمدەر ىلىنەدى؟
2024 جىلدىڭ جازىندا قۇرىلعان ۇلتتىق بانكتىڭ انتيفرود-ورتالىعى بايلانىس وپەراتورلارى, قارجى سەكتورى جانە مەملەكەتتىك ورگاندار اراسىنداعى ۇيلەستىرۋدىڭ نەگىزگى الاڭىنا اينالدى. 2025 جىلدىڭ سوڭىندا Kcell انتيفرود-ورتالىقتىڭ سۇرانىمدارىن وڭدەۋگە قوسىلىپ, دەرەكتەرمەن اۆتوماتتاندىرىلعان الماسۋدى ەنگىزە باستادى.