اكىمدىكتەردىڭ جۇمىسى باعالاندى: قاي ءوڭىر كوش باستادى؟

«2025 جىلعا ارنالعان مەملەكەتتىك قىزمەتتەر كورسەتۋ ساپاسىن قوعامدىق مونيتورينگتەۋ ناتيجەلەرى تۋرالى ەسەپ» دەرەكتەرىنە سايكەس, مەملەكەتتىك الەۋمەتتىك تاپسىرىس ء(مات) اياسىندا جەرگىلىكتى اتقارۋشى ورگاندار كورسەتكەن مەملەكەتتىك قىزمەتتەردىڭ ورتاشا ساپا باعاسى 4,86 بالدى قۇراپ, جوعارى كورسەتكىش تىركەلدى. جەرگىلىكتى اتقارۋشى ورگاندار قىزمەتىنە قويىلعان باعا دەڭگەيى 86,7%-عا جەتتى. اتالعان ەكى كورسەتكىش تە الدىڭعى جىلدارمەن سالىستىرعاندا جوعارى بولدى. 

ەلىمىزدىڭ 20 ءوڭىرىنىڭ 17-سىندە قىزمەت كورسەتۋ ساپاسى 4,80-دەن 4,93 بالعا دەيىن جوعارى باعالانسا, قالعان 3 ءوڭىر «ورتاشادان جوعارى» دەگەن باعاعا يە بولدى.

ولجاس بەكتەنوۆ: شاعىن بيزنەستەن تۇسەتىن بارلىق سالىق ءتۇسىمى اكىمدىكتەردىڭ يەلىگىندە قالادى

مەملەكەتتىك الەۋمەتتىك تاپسىرىس اياسىندا قىزمەت كورسەتۋ ساپاسى بويىنشا قاراعاندى وبلىسىنىڭ اكىمدىگى كوش باستادى. ءوڭىردىڭ اتالعان باعىتتاعى باعاسى – 4,93 بالل.

ەكىنشى ورىنعا 4,93 بالمەن اقمولا وبلىسىنىڭ اكىمدىگى ورنالاسىپ, جەرگىلىكتى اتقارۋشى ورگاندار قىزمەتى 92,7% كورسەتكىشكە قول جەتكىزدى.

ۇزدىك ۇشتىكتى شىعىس قازاقستان وبلىسى 4,92 بالمەن تۇيىندەدى. جاو جۇمىسىنا قاناعاتتانۋ دەڭگەيى – 92,6%-عا باعالانعان.

العاشقى بەستىككە شىمكەنت قالاسىنىڭ (4,91 بالل) جانە ۇلىتاۋ وبلىسىنىڭ (4,9 بالل) اكىمدىكتەرى ەندى.

ال رەيتينگتىڭ سوڭعى ورىندارىندا ماڭعىستاۋ (20-ورىن), سولتۇستىك قازاقستان (19-ورىن) جانە قىزىلوردا (18-ورىن) وبلىستارىنىڭ جەرگىلىكتى اتقارۋشى ورگاندارى ورنالاسقان. بۇل وڭىرلەردىڭ مەملەكەتتىك قىزمەتتەر كورسەتۋ ساپاسى «ورتاشادان جوعارى» دەڭگەيدە باعالانعان.

بۇدان بولەك, «ەلەكتروندى ۇكىمەت» پورتالىنداعى ساۋالناما نەگىزىندە جاو كورسەتەتىن مەملەكەتتىك قىزمەتتەرگە ونلاين-مونيتورينگ جۇرگىزىلدى. ونلاين-مونيتورينگ ناتيجەلەرى بويىنشا جاو-نىڭ ورتاشا باعاسى – 4,92 بالل, ال تولىق قاناعاتتانۋ دەڭگەيى 90,6%-دى قۇرادى. بۇل كورسەتكىشتەر وفلاين-ساۋالناما ناتيجەلەرىنەن ءسال جوعارى بولىپ شىقتى.

اكىمدىكتەر تۇرعىن ءۇي كومەگىن كورسەتۋ تەتىكتەرىن حالىققا كەڭىنەن ءتۇسىندىرۋى كەرەك

finprom.kz دەرەگىنشە, ونلاين-مونيتورينگ قورىتىندىسى بويىنشا بارلىق ءوڭىر جوعارى باعاعا قول جەتكىزگەن. رەيتينگتىڭ كوشباسشى ورىندارىن قوستاناي وبلىسى (4,98 بالل جانە 96,6% تولىق قاناعاتتانۋ), شىعىس قازاقستان وبلىسى (4,98 بالل جانە 96,5% تولىق قاناعاتتانۋ) جانە باتىس قازاقستان وبلىسى (4,98 بالل جانە 89,6% تولىق قاناعاتتانۋ) يەلەندى.

رەيتينگتىڭ سوڭعى ورىندارىندا الماتى قالاسىنىڭ اكىمدىگى (4,83 بالل), سونداي-اق جامبىل (4,85 بالل) جانە ۇلىتاۋ (4,85 بالل) وبلىستارىنىڭ اكىمدىكتەرى ورنالاسقان.

سونداي-اق كەشەندى باعالاۋ ماقساتىندا ونلاين-مونيتورينگ پەن ءمات اياسىنداعى باعالاۋ دەرەكتەرىن بىرىكتىرە وتىرىپ تا قورىتىندى شىعارىلدى. جالپى باعا ەكى زەرتتەۋ ءادىسى كورسەتكىشتەرىنىڭ اريفمەتيكالىق ورتاشا ءمانى رەتىندە ەسەپتەلدى.

ءىرى قالالاردىڭ اكىمدىكتەرىنە جاڭا قۇزىرەت بەرىلەدى

كەشەندى باعالاۋ قورىتىندىسى بويىنشا رەيتينگتىڭ العاشقى ءۇش ورنىنا مىنا وڭىرلەردىڭ جەرگىلىكتى اتقارۋشى ورگاندارى يە بولدى:

شىعىس قازاقستان وبلىسى (4,95 بالل);

اقمولا وبلىسى (4,94 بالل);

قوستاناي وبلىسى (4,94 بالل).

ال سوڭعى ورىندارعا قىزىلوردا وبلىسىنىڭ (4,84 بالل), استانا قالاسىنىڭ (4,84 بالل ) جانە جامبىل وبلىسىنىڭ (4,84 بالل) جەرگىلىكتى اتقارۋشى ورگاندارى جايعاستى.