اتىراۋلىق يانا لەگكوديموۆانى ولتىرگەنى ءۇشىن سوتتالعان ريزۋان قايىرجانوۆ پەن التىنبەك كاتيموۆ جازالارىن جەڭىلدەتۋدى سۇراپ, سوتقا اپەللياتسيالىق شاعىم تۇسىرگەن, دەپ حابارلايدى Egemen.kz.
«جەتىنشى ارنانىڭ» حابارلاۋىنشا, قازىرگى ۋاقىتتا جابىرلەنۋشى تاراپتىڭ ادۆوكاتتارى كەلىپ تۇسكەن قۇجاتتاردى زەردەلەپ جاتىر. وسىدان كەيىن اپەللياتسيالىق سوت وتىرىسى وتەدى. ازىرگە ولار تەرگەۋ يزولياتورىندا وتىر.
اپەللياتسيالىق شاعىمدا سوتتالعاندار جازانى جەڭىلدەتۋدى سۇراعان. نۇسقا رەتىندە – ءومىر بويىنا باس بوستاندىعىنان ايىرۋ جازاسىن بەلگىلى ءبىر مەرزىمگە باس بوستاندىعىنان ايىرۋمەن الماستىرۋ ۇسىنىلۋى مۇمكىن.
قازا تاپقان قىزدىڭ اناسى گالينا لەگكوديموۆا شاعىمدى العانىن راستادى. ول قىزىنىڭ ولىمىنە كىنالىلەردىڭ ءومىر بويىنا تۇرمەدە وتىرۋىن تالاپ ەتەتىنىن ايتقان.
ەسكە سالايىق, 2024 جىلدىڭ قازان ايىندا يانا لەگكوديموۆا كەنەتتەن جوعالىپ كەتكەن. سەگىز ايدان كەيىن قىزدىڭ ءمايىتى جايىق وزەنىنەن تابىلدى. 2025 جىلعى 17 قاراشادا سۋديا زارەما حاميدۋللينا ەكى ايعا سوزىلعان سوت پروتسەسىنەن كەيىن ۇكىم شىعاردى. قىلمىستىق ءىس 24 تومنان تۇرعان.
كەيىن قاندى قىلمىستى اشقان تەرگەۋشىگە مەرزىمىنەن بۇرىن جاڭا شەن بەرىلدى.