جەتىسۋ وبلىسى قاراتال اۋدانىنىڭ پروكۋراتۋراسى مەتسەناتتارمەن بىرلەسىپ, تۇرمەدەن شارتتى تۇردە بوساتىلعان كوپبالالى اناعا 3 بولمەلى ءۇي سىيلادى. ش. ەسىمدى ايەلدىڭ الەۋمەتتىك بەيىمدەلۋىنە اتسالىسقاندار باسپانانى رەسمي تۇردە تۇرعىننىڭ اتىنا راسىمدەگەن, دەپ جازادى Egemen.kz.
«وتباسىن تۇراقتى باسپانامەن قامتاماسىز ەتۋ كامەلەتكە تولماعانداردىڭ قۇقىقتارىن قورعاۋعا جانە انانىڭ قوعامعا ءساتتى بەيىمدەلۋىنە نەگىز بولدى», دەلىنگەن پروكۋراتۋرا حابارلاماسىندا.
جەتىسۋ وبلىسىندا قار قۇرساۋىنان 4 ادام قۇتقارىلدى
سونداي-اق قۇزىرلى ورگان قولداۋىمەن پروباتسيا قىزمەتىنىڭ ەسەبىندە تۇرعان ازامات ك.-عا دانەكەرلەۋ تسەحىن اشۋ ءۇشىن 1,5 ملن تەڭگەدەن استام سوماعا مەملەكەتتىك قايتارىمسىز گرانت بولىنگەن. جەكە ءىسىن اشۋ ازاماتقا قوعامعا زاڭدى تۇردە ارالاسۋعا جانە وتباسىن تۇراقتى تابىسپەن قامتاماسىز ەتۋگە مۇمكىندىك بەرىپ وتىر.
بۇعان دەيىن جەتىسۋ وبلىسىندا مال ۇرلىعىنا قاتىسى بار ءۇش ادام قاماۋعا الىنعانىن حابارلاعانبىز.
ايتا كەتەيىك, جەتىسۋ وبلىسى ەسكەلدى اۋدانىنداعى باقتىباي اۋىلىندا ورنالاسقان مادەنيەت ءۇيىن كۇردەلى جوندەۋ كەزىندە بيۋدجەت قاراجاتىن جىمقىرۋ دەرەگى بويىنشا قىلمىستىق ءىس قوزعالدى.