ەندى اۆتوكولىك جۋ ورىندارى جاڭا تالاپ بويىنشا جۇمىس ىستەيدى

شىلدە ايىنان باستاپ ەلدە جاڭارتىلعان سۋ كودەكسى قولدانىسقا ەنگىزىلدى. قۇجات تابيعي رەسۋرستاردى اناعۇرلىم ۇتىمدى پايدالانۋدى كوزدەيدى. نەگىزگى باعىتتاردىڭ ءبىرى – سۋدى كوپ كولەمدە تۇتىناتىن نىسانداردىڭ قىزمەتىن رەتتەۋ. بۇل تىزىمگە اۆتوجۋ ورىندارى دا ەندى.

جاڭا تالاپتارعا سايكەس, ولار كەزەڭ-كەزەڭىمەن اينالىمدى سۋ جۇيەسىنە كوشۋى قاجەت. ونىڭ جۇمىس ىستەۋ قاعيداتى قاراپايىم: پايدالانىلعان سۋ كوپساتىلى تازالاۋدان ءوتىپ, قايتا قولدانىلادى.

ء«بىز قالاداعى بارلىق اۆتوجۋ ورىندارىنا تۇگەندەۋ جۇرگىزىپ, ولاردىڭ تاۋلىكتىك سۋ تۇتىنۋ كولەمىن انىقتادىق جانە اينالىمدى سۋ پايدالانۋ جۇيەسىن ەنگىزۋ جونىندە ارنايى نۇسقامالار بەردىك. بۇل تالاپتاردىڭ ورىندالۋى كاسىپورنىمىزدىڭ باقىلاۋىندا بولادى», دەدى «سەمەي سۋ ارناسى» مكك قوعاممەن بايلانىس ءبولىمىنىڭ باسشىسى تالعات مادياروۆ.

اۆتوجۋ ورىندارىنىڭ يەلەرى سۋدى ۇنەمدەپ پايدالانۋ يدەياسىن قولدايتىنىن ايتقانىمەن, مۇنداي جۇيەنى ەنگىزۋ وڭاي ەمەس. بىرىنشىدەن, جابدىق قوماقتى قارجىنى قاجەت ەتەدى: ساپالى قوندىرعىنىڭ ەڭ تومەنگى قۇنى 1 ميلليون تەڭگەدەن باستالادى. جۇيەنىڭ باعاسى قۋاتىنا جانە ءسۇزۋ تۇرىنە بايلانىستى. ەكىنشىدەن, جابدىقتى ورناتۋ ءۇشىن عيماراتتى قايتا جوندەۋ قاجەت.

«بۇل – جابدىقتى ورناتۋ شىعىندارى, جابدىقتىڭ ءوزىن ساتىپ الۋ, وعان قوسا سۇزگىلەردى اۋىستىرۋ. ولار ايىنا ءبىر رەت ەمەس, بىرنەشە رەت اۋىستىرىلادى. ال ولاردىڭ قۇنى دا ارزان ەمەس», دەدى اۆتوجۋ ورنىنىڭ اكىمشىسى ەلەنا گۋرەۆا.

24.kz مالىمەتىنشە, سەمەي قالاسىنداعى اۆتوجۋ ورىندارىنىڭ ەڭ تومەنگى ايلىق سۋ تۇتىنۋ كولەمى – 70 تەكشە مەتر. ال ءىرى اۆتوجۋ كەشەندەرى ايىنا 250 تەكشە مەترگە دەيىن سۋ جۇمسايدى. «سۋ ارناسى» قىزمەتكەرلەرىنىڭ ايتۋىنشا, جاڭا تەحنولوگيالارعا كوشۋ سۋ تۇتىنۋدى كەمىندە ۇشتەن بىرىنە قىسقارتۋعا مۇمكىندىك بەرەدى.

ماماندارعا سۋ كودەكسى ءتۇسىندىرىلدى

مۇنداي جابدىقتى ورناتۋ تەحنيكالىق دايىندىق پەن قوسىمشا قارجىنى تالاپ ەتەدى. سوندىقتان قازىرگى تاڭدا كاسىپكەرلەردى مەملەكەتتىك قولداۋ شارالارى قاراستىرىلىپ جاتىر. بۇل قايتارىمسىز گرانتتار بەرۋ نەمەسە تومەن پايىزبەن نەسيە ۇسىنۋ بولۋى مۇمكىن.

وسكەمەندە سۋ مەن كارىز قىزمەتىنىڭ باعاسى وزگەردى