ۇلتتىق بانك نازارباەۆ ۋنيۆەرسيتەتىمەن بىرلەسكەن باعدارلاما اياسىندا ءبىلىم گرانتتارىنا ءوتىنىم قابىلداۋدى باستادى. 2026 جىلى MSF «Master of Science in Finance» (قارجى سالاسىنىڭ عىلىم ماگيسترى) جانە MAE «Master of Arts in Economics» (ەكونوميكا سالاسىنىڭ ونەر ماگيسترى) باعدارلامالارى بويىنشا گرانتتار بولىنەدى, دەپ حابارلايدى Egemen.kz.
باعدارلامانىڭ ماقساتى – ۇلتتىق بانك پەن ونىڭ ەنشىلەس ۇيىمدارى ءۇشىن, سونداي-اق قارجى نارىعىن رەتتەۋ جانە دامىتۋ اگەنتتىگى ءۇشىن بىلىكتى كادرلار دايارلاۋ.
ۇلتتىق بانك الاياقتاردىڭ جاڭا ارەكەتتەرى تۋرالى ەسكەرتتى
وقۋ 2026 جىلعى تامىز ايىندا باستالىپ, 2 اكادەميالىق جىلعا سوزىلادى. ۋنيۆەرسيتەتكە قۇجات قابىلداۋ 13 اقپانعا دەيىن جالعاسادى. وقۋعا ءتۇسۋ ءۇشىن ۋنيۆەرسيتەت پەن ۇلتتىق بانكتىڭ تالاپتارىنا جانە شارتتارىنا سايكەس 2026 جىلعى مامىر مەن ماۋسىم ايلارى ارالىعىندا وتكىزىلەتىن كونكۋرستىق ىرىكتەۋدەن ءوتۋ قاجەت.
اسكەريلەرگە ءبىلىم گرانتىن تابىس ەتتى
وقۋدى اياقتاعاننان كەيىن جانە ەكى جاقتى اڭگىمەلەسۋدەن سوڭ ۇلتتىق بانككە, ونىڭ فيليالدارى مەن ەنشىلەس ۇيىمدارىنا, سونىمەن قاتار قارجى نارىعىن رەتتەۋ جانە دامىتۋ اگەنتتىگىنە جۇمىسقا ورنالاسۋ مۇمكىندىگى قاراستىرىلادى.
باعدارلامالاردىڭ مازمۇنى مەن وقۋعا قابىلداۋ تالاپتارى https://gsb.nu.edu.kz/kz/msc_in_finance جانە https://ssh.nu.edu.kz/kz/mae سايتتارىندا قولجەتىمدى.