كەشە كەشكىسىن ۇلان اۋدانىنىڭ بوزانباي اۋىلىنان شوپاندار ادەتتەگىدەي قوي جايۋعا شىققان. الايدا, قاتتى بوران سالدارىنان كەرى جول تاپپاعان. بىرنەشە ساعاتتان سوڭ عانا ءبىرى اۋىلعا ءتۇسىپ, جانىنداعى شوپاننان اداسىپ قالعانىن ايتقان, دەپ جازادى Egemen.kz.
توتەنشە جاعدايلار دەپارتامەنتى قىزمەتكەرلەرى حاباردى الا سالا ەكىنشى ەر ادامدى ىزدەۋ جۇمىستارىنا كىرىستى.
ولار جول تاڭدامايتىن تەحنيكالار مەن قار شانالارىن جۇمىلدىردى. سونداي-اق, ىزدەۋ جۇمىستارىنا كينولوگتار قاتىستى. ايرانداي ۇيىعان اۋىل ازاماتتارى دا اتقا قوندى.
اۋىل ءىشى جىم-جىرت بولعانىمەن, ءبىر بەلدەن اسقان سوڭ ات قۇلاعى كورىنبەس اق تۇتەك بوران سوعىپ تۇرعان. مۇندايدا ماڭايدى بەس ساۋساقتاي بىلگەنىمەن, اداسىپ كەتۋ وپ-وڭاي ەدى.
ابىروي بولعاندا, 1971 جىلى تۋعان شوپان قىزىلسۋ ۋچاسكەسىنەن, شارۋا قوجالىعىنىڭ ماڭىنان تابىلدى. قۇتقارۋشىلار ونى قاۋىپسىز جەرگە جەتكىزدى. ەر ادامعا مەديتسينالىق كومەك قاجەت بولمادى.
شىعىس قازاقستان وبلىسى,ۇلان اۋدانى
قىزىلوردادا جوعالعان مالشى تابىلدى