قازىر بىزدە كاسىبىن دامىتقىسى كەلەتىن ازاماتتارعا قولداۋ كوپ. بىراق سونى ءبىر جۇيەگە تۇسىرگەن ءجون. سوندا عانا بيزنەستىڭ ەل ەكونوميكاسىنداعى ۇلەسى ارتادى. وسى كۇنى بانكتەر ۇسىنىپ وتىرعان مولشەرلەمەسى جوعارى نەسيە بيزنەستىڭ ادىمىن اشتىرمايدى.
«اۋىل اماناتى» – اۋىلدى دامىتاتىن جوبا. مولشەرلەمەسى دە ءتيىمدى. جەر-جەردە وسى باعدارلاما اياسىندا تىرلىگىن باستاپ جاتقاندار از ەمەس. الدا وسى ماقساتتا بەرىلەتىن قاراجاتتى ۇلعايتىپ, كەپىلدىك ماسەلەسىن ەلدەگى اعايىن ءۇشىن ءتيىمدى ەتسە قۇبا-قۇپ. بۇل اۋىل شارۋاشىلىعى سالاسىن كوتەرۋدىڭ بىردەن-ءبىر جولى. الداعى 3 جىلعا بۇل باعىتقا 450 ملرد تەڭگە بولىنەدى.
تاعى ءبىر ماسەلە – بىزدە مەملەكەت تاراپىنان كاسىپكەرلەرگە جاسالىپ جاتقان سالىق جەڭىلدىگى مەن قارجىلاي قولداۋدىڭ تيىمدىلىگىن انىقتايتىن ورگان جوقتىڭ قاسى. سوندىقتان دا تسيفرلىق پلاتفورما ارقىلى الىنعان قارجى مەن جۇمسالۋى, اشىلعان جۇمىس ورىندارى, وندىرىستەر سانى تالدانۋى كەرەك. بۇل ايتىلعان ماسەلەنىڭ ءبارى ۇلتتىق قۇرىلتاي اياسىندا كوتەرىلىپ, شەشىمىن تاپسا يگى.
نۇرتاي سابيليانوۆ,
ءماجىلىس دەپۋتاتى