يسپانيادا جوعارى جىلدامدىقتى ەكى پويىز رەلستەن شىعىپ كەتىپ, 21 ادام قايتىس بولدى, 100 شاقتى جولاۋشى جاراقات الدى. بۇل تۋرالى ەلدىڭ ىشكى ىستەر مينيسترلىگى حابارلادى, دەپ جازادى Egemen.kz.
قايعىلى وقيعا 18 قاڭتار كۇنى كەشكىسىن يسپانيانىڭ كوردوۆا پروۆينتسياسىندا تىركەلدى. مالاگا شاھارىنان مادريدكە بەت العان «Iryo» كومپانياسىنىڭ جولاۋشىلار پويىزى بەلگىسىز سەبەپپەن رەلستەن شىعىپ, قارسى جولاققا اۋىسقان. سول مەزەتتە وعان ۋەلۆا باعىتىمەن كەلە جاتقان وزگە پويىز سوعىلعان. يسپانيالىق اقپارات قۇرالدارىنىڭ مالىمەتىنشە, ەكى قۇرامدا شامامەن 400 جولاۋشى بولعان.
اقتاۋدا پويىز بەن اۆتوكولىك سوقتىعىستى
اپاتتىڭ نەدەن شىققانى ازىرگە ناقتىلانعان جوق. قۇتقارۋ بولىمشەلەرى وقيعا ورنىندا ىزدەستىرۋ-قۇتقارۋ جۇمىستارىن جالعاستىرىپ جاتىر.
مەكسيكادا پويىز رەلستەن شىعىپ كەتتى: 13 ادام قازا تاپتى
يسپانيا ۇكىمەتىنىڭ باسشىسى پەدرو سانچەس جاعدايدى تىكەلەي باقىلاۋدا ۇستاپ وتىرعانىن مالىمدەدى. قازا تاپقانداردىڭ وتباسىلارىنا ەلدىڭ كورولدىك اۋلەتى دە كوڭىل ايتتى.
مويىنتى – شىعاناق ۋچاسكەسىندە 4 تەمىرجولشىنى جۇك پويىزى باسىپ كەتتى
ايماقتاعى ازاماتتىق قورعاۋ قىزمەتىنىڭ جەتەكشىسى ماريا بەلەن اپاتتىڭ قالادان جىراق ەكەنىن جەتكىزدى. سوعان بايلانىستى اپات بولعان ەلدى مەكەننىڭ تۇرعىندارى وقيعا ورنىنا جىلى كورپە مەن اۋىز سۋ اكەلىپ, جاراقات العاندارعا كومەكتەسكەن.