قاراعاندىدا پوليتسەيلەر ەسىرتكى تاراتۋمەن اينالىسقان ەكى كۇدىكتىنى قولعا ءتۇسىردى

«زاڭ مەن ءتارتىپ» قاعيداتىن جۇزەگە اسىرۋ اياسىندا قاراعاندى وبلىسىنىڭ پوليتسيا دەپارتامەنتى ەسىرتكى قۇرالدارىنىڭ زاڭسىز اينالىمىنا قارسى باعىتتالعان كەشەندى جانە جۇيەلى جۇمىستى جالعاستىرىپ جاتىر. ءىس-شارالار بارىسىندا 14 قاڭتار كۇنى قاراعاندى قالاسىندا ەسىرتكى قىلمىسىنا قارسى ءىس-قيمىل ءبولىمىنىڭ قىزمەتكەرلەرى جۇرگىزگەن ارنايى وپەراتسيا ناتيجەسىندە ەسىرتكى زاتتارىن زاڭسىز وتكىزدى دەگەن كۇدىكپەن 21 جانە 39 جاستاعى ەكى كۇدىكتى ۇستالدى.

الماتىدا شەتەلدىك ازامات ەسىرتكىمەن ۇستالدى

ءتىنتۋ بارىسىندا كۇدىكتىلەردىڭ تۇرعىلىقتى مەكەنجايلارىنان ءارتۇرلى تەلەفوندار, ەلەكتروندى تارازىلار, قاپتاما ماتەريالدارى, سونداي-اق وسىمدىك جانە ۇنتاق ءتارىزدى ەسىرتكى زاتتارى تابىلىپ, تاركىلەندى. اتاپ ايتقاندا, جالپى سالماعى شامامەن 30-40 گرامدى قۇرايتىن جاسىل ءتۇستى سپايس ءتارىزدى زات سالىنعان 30-دان استام وراما, سونداي-اق اق جانە قوڭىر ءتۇستى ۇنتاق ءتارىزدى زاتتارى بار, جالپى سالماعى 10 گرامنان اساتىن ورامدار انىقتالدى.

ەسىرتكى قىلمىسىن ەڭسەرەتىن جوسپار

تەرگەۋ بارىسىندا كۇدىكتىلەردىڭ 2025 جىلدىڭ تامىز ايىنان باستاپ ەسىرتكى زاتتارىن تاراتۋمەن اينالىسقان ينتەرنەت-دۇكەندەردىڭ بىرىندە كۋرەر رەتىندە زاڭسىز قىزمەت اتقارعانى بەلگىلى بولدى. ولاردىڭ ارەكەتىن «StroyKz09» لاقاپ اتىمەن تىركەلگەن بەلگىسىز ادام ۇيىمداستىرىپ وتىرعان.

اتالعان فاكتى بويىنشا قىلمىستىق ءىس قوزعالىپ, كۇدىكتىلەر ۋاقىتشا ۇستاۋ يزولياتورىنا قامالدى. قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلىپ, وقيعانىڭ بارلىق ءمان-جايى انىقتالىپ جاتىر.

ەسىرتكى بيزنەسىنە قارسى كۇرەس: 6 مىڭنان استام ادام جاۋاپقا تارتىلدى