بيىلعى 18 جانە 19 قاڭتار كۇندەرى الماتى وبلىسىندا ءداستۇرلى «قۇدايعا شوقىنۋ» مەرەكەسىنە ارنالعان سۋعا شومىلۋ شارالارى باستالدى. سوعان وراي وڭىردە بارلىق قاۋىپسىزدىك تالاپتارى ساقتالا وتىرىپ, ءراسىمدى وتكىزۋگە ارنالعان 21 ستاتسيونارلىق ورىن انىقتالىپ, كەلىسىلدى, دەپ جازادى Egemen.kz.
كۋپەلدەر كەلەسى اۋماقتاردا ۇيىمداستىرىلادى: قوناەۆ قالاسىندا – 1, ىلە اۋدانىندا – 6, تالعار اۋدانىندا – 7, جامبىل اۋدانىندا – 4, قاراساي اۋدانىندا – 1, ەڭبەكشىقازاق اۋدانىندا – 2. بارلىق الاڭدار ىڭعايلى كىرىپ-شىعۋ جولدارىمەن, باسپالداقتارمەن, جارىقتاندىرۋمەن, سونداي-اق قاتىسۋشىلاردىڭ قاۋىپسىزدىگىن قامتاماسىز ەتۋگە ارنالعان قاجەتتى قۇرالدارمەن جابدىقتالدى.
تجم كرەششەنيە شومىلۋى كەزىندەگى قاۋىپسىزدىك ەرەجەلەرىن ەسكە سالادى
سۋعا شومىلۋ وتكىزىلەتىن ورىنداردا پوليتسيا قىزمەتكەرلەرىنىڭ, توتەنشە جاعدايلار بولىمشەلەرىنىڭ جانە مەديتسينالىق قىزمەتتەردىڭ كەزەكشىلىگى ۇيىمداستىرىلدى. ءىس-شارالاردى ۇيلەستىرۋدى الماتى وبلىسىنىڭ ءدىن ىستەرى باسقارماسى جانە اۋداندىق, قالالىق اكىمدىكتەر قامتاماسىز ەتىپ جاتىر.
«قۇدايعا شوقىنۋ مەرەكەسىنە ارنالعان سۋعا شومىلۋ راسىمىنە بارلىق نيەت بىلدىرۋشىلەر قاتىسا الادى. سونىمەن بىرگە, قاتىسۋشىلار قاۋىپسىزدىك شارالارىن قاتاڭ ساقتاۋى, اۋا رايى جاعدايىن جانە دەنساۋلىق كۇيىن ەسكەرىپ, سۋعا تۇسۋگە الدىن الا دايىندالۋى قاجەت. شومىلۋ ءراسىمى – ەڭ الدىمەن رۋحاني ءداستۇر, سوندىقتان وعان قاتىسۋ سانالى ءارى جاۋاپتى بولۋى ءتيىس», دەپ اتاپ ءوتتى الماتى وبلىسىنىڭ ءدىن ىستەرى باسقارماسىنىڭ وكىلدەرى.
ءدىن باعىتىنداعى جي: ەلىمىزدە «Imam AI» ءموبيلدى قوسىمشاسى ىسكە قوسىلاتىن بولدى