بيىل قىرعىزستاندا VI دۇنيەجۇزىلىك كوشپەلىلەر ويىندارى وتەدى. كوكپار فەدەراتسياسىنىڭ پرەزيدەنتى, ءماجىلىس دەپۋتاتى ايداربەك قوجانازاروۆ كۇزگە سالىم وتەتىن ەتنوسپورت الامانىنا ۇلتتىق ويىنىمىز كوكپاردىڭ ەنگەنىن ايتتى, دەپ جازادى Egemen.kz.
بۇعان دەيىن ويىندار تىزىمىندە كوكپاردىڭ بولماۋى قوعامدا كەڭىنەن تالقىلانعان ەدى.
«تۋريزم جانە سپورت مينيسترلىگىمەن بىرلەسىپ, قىرعىزستاندىق ارىپتەستەرمەن تالقىلاي كەلە وسىنداي شەشىمگە قول جەتكىزدىك. كوكپار دا, كوك ءبورى دە قازاق پەن قىرعىزدىڭ ۇلتتىق بولمىسىن ايقىندايتىن نەگىزگى سپورت ءتۇرى. بۇل - تەك ويىن ەمەس, ۇرپاقتار ساباقتاستىعى, ورتاق مادەني كود. سوندىقتان مۇنداي حالىقارالىق جارىستاردا سپورت دوستىق پەن بىرلىكتىڭ كورىنىسىنە اينالۋى كەرەك», دەدى ا.قوجانازاروۆ.
بىلتىر سايىستاردىڭ ءتىزىمى شىققاندا قازاقتىڭ كوكپارى كوشپەلىلەر ويىندارى باعدارلاماسىنا ەنبەگەن ەدى, تەك كوكبورى بولعان. بۇل باسقا قاتىسۋشى ەلدەر ءۇشىن دە ماڭىزدى. سەبەبى كوكپار ويىنى قازاقستاننان بولەك ويىنعا كەلەتىن موڭعوليا, وزبەكستان, تاجىكستان, اۋعانستان سياقتى بىرقاتار ەلدەردە دە كەڭىنەن تارالعان.
كوشپەندىلەر ويىنى: ۇلت مۇراسى الەم ساحناسىندا جاڭعىرىپ تۇر
VI دۇنيەجۇزىلىك كوشپەلىلەر ويىندارى 2026 جىلعى 31 تامىز بەن 6 قىركۇيەك ارالىعىندا قىرعىزستاندا وتەدى. جارىس باعدارلاماسىنا 43 ۇلتتىق سپورت ءتۇرى بار. ەتنوسپورت الامانىنا شامامەن 100-گە جۋىق ەلدەن سپورتشىلار قاتىسادى دەپ جوسپارلانىپ وتىر.
ۇلتتىق سپورت تۇرلەرى: كوكپار مەن قىز قۋ الەمدە قالاي ناسيحاتتالىپ جاتىر