استانادان شىعاتىن جولدار جابىلدى: قاتتى ايازعا بايلانىستى قوزعالىسقا شەكتەۋ قويىلدى

استانا قالالىق توتەنشە جاعدايلار دەپارتامەنتىنىڭ مالىمەتىنشە, كەشە كەشكى ساعات 20:00-دەن باستاپ ەلوردادان بارلىق باعىتتار بويىنشا كولىك قوزعالىسىنا شەكتەۋ ەنگىزىلدى. بۇل شارا اۋا تەمپەراتۋراسىنىڭ -30°C-قا دەيىن تومەندەۋىنە بايلانىستى قابىلدانىپ وتىر. تىيىم سالۋ ەرەجەسى قوعامدىق كولىكتەر مەن ديزەلدى وتىنمەن جۇرەتىن اۆتوكولىكتەرگە قاتىستى.

40 گرادۋس اياز: ەرتەڭ ەلدىڭ باسىم بولىگىندە اۋا رايىنا بايلانىستى ەسكەرتۋ جاريالاندى

وسىعان وراي, «City Transportation Systems» (CTS) كولىك كومپانياسى قالا ماڭىنا قاتىنايتىن بىرقاتار مارشرۋتتىڭ قوزعالىسى ۋاقىتشا توقتاتىلعانىن حابارلادى. اتاپ ايتقاندا, № 305, 308, 309, 310, 312, 315, 316, 327, 328, 329-شى باعىتتاعى اۆتوبۋستار جولعا شىقپايدى.   ەسكە سالايىق, كەشە اۋا رايىنا بايلانىستى استانادا ەكىنشى اۋىسىمداعى وقۋشىلار قاشىقتان وقىدى.