ءماجىلىس دەپۋتاتتارى, «AMANAT» پارتياسى فراكتسياسىنىڭ مۇشەلەرى دانابەك يسابەكوۆ پەن نۇرسۇلتان بايتىلەسوۆ شىمكەنت قالاسىنداعى «Balabi Textile» كاسىپورنىنىڭ ءوندىرىس بارىسىمەن تانىستى, دەپ جازادى Egemen.kz.
«وڭتۇستىك» ارنايى ەكونوميكالىق ايماعىندا ورنالاسقان كاسىپورىن 2024 جىلعى جەلتوقسان ايىندا ىسكە قوسىلعان. جوبانى جۇزەگە اسىرۋعا 6,5 ملرد تەڭگەدەن استام ينۆەستيتسيا تارتىلىپ, ناتيجەسىندە 260 تۇراقتى جۇمىس ورنى اشىلعان. قۋاتى جىلىنا 50 ملن جۇپ ش ۇلىق ءونىمىن شىعارۋعا جەتەتىن كاسىپورىن ءوز ءونىمىن ىشكى نارىقپەن قاتار, الىس-جاقىن شەتەلدەرگە دە ەكسپورتتايدى.
33 جاڭا ونەركاسىپتىك كاسىپورىن ىسكە قوسىلدى
دەپۋتات دانابەك يسابەكوۆ مۇنداي جوبالاردىڭ قالا الەۋەتىن كوتەرۋدە ماڭىزدى ءرول اتقاراتىنىن اتاپ ءوتتى.
– زاماناۋي كاسىپورىنداردىڭ ىسكە قوسىلۋى ەل ەكونوميكاسىن ارتاراپتاندىرۋعا, وتاندىق ءوندىرىستى دامىتۋعا جانە جاڭا جۇمىس ورىندارىن اشۋعا ۇلكەن ۇلەس قوسادى. مەملەكەت تاراپىنان كاسىپكەرلىكتى قولداۋعا باعىتتالعان تەتىكتەر بار, سول مۇمكىندىكتەردى ءتيىمدى پايدالانۋ ارقىلى ءوندىرىستى كەڭەيتۋگە بولادى, – دەدى ول.
ءماجىلىس دەپۋتاتتارى كاسىپورىن جۇمىسىنا وڭ باعا بەرىپ, مۇنداي ءوندىرىس وشاقتارى شىمكەنت قالاسىنىڭ الەۋمەتتىك-ەكونوميكالىق دامۋىنا سەرپىن بەرەتىنىن ايتتى. كەزدەسۋ بارىسىندا كاسىپكەرلەردى مەملەكەتتىك قولداۋ, ەكسپورتتى ۇلعايتۋ جانە ءوندىرىس كولەمىن ارتتىرۋ ماسەلەلەرى دە ءسوز بولدى.
2025 جىلى ەلىمىزدە قانشا كاسىپورىن ىسكە قوسىلدى؟