«وتباسى بانكتىڭ» ءباسپاسوز قىزمەتى 12 قاڭتار ساعات 19:00-دەن باستاپ enpf-otbasy.kz پلاتفورماسىندا بىرىڭعاي زەيناتاقى جيناقتارى (بزج) ەسەبىنەن ەمدەلۋگە وتىنىمدەر قابىلداۋ توقتاتىلعانىن حابارلادى, دەپ جازادى Egemen.kz.
«وتباسى بانكى» دەنساۋلىق ساقتاۋ مينيسترلىگى جانە باسقا دا مۇددەلى مەملەكەتتىك ورگاندارمەن بىرلەسىپ, بزج ەسەبىنەن مەديتسينالىق قىزمەتتەردى الۋعا قويىلاتىن تالاپتاردى قايتا قارايدى. سونداي-اق زەينەتاقى جيناعىنداعى شەكتەن ارتىق سومانى ماقساتسىز پايدالانۋدى بولدىرماۋ ءۇشىن اقپاراتتىق جۇيەلەردى ىقپالداستىرۋ تەتىكتەرىن پىسىقتايدى», دەلىنگەن بانكتىڭ باسپاسوز قىزمەتى تاراتقان حابارلامادا.
زەينەتاقى جيناعىن پايدالانۋ ارقىلى ەمدەۋگە وتىنىمدەردى قابىلداۋدى قايتا باستاۋعا قاتىستى تالاپتار تۇزەتۋ اياقتالعاننان كەيىن قوسىمشا حابارلانادى.
2026 جىلى زەينەتاقى جيناعىنىڭ شەگى وزگەرەدى
بۇعان دەيىن «وتباسى بانك» زەينەتاقى قارجىسىنا كوز ەمدەۋگە تىيىم سالعان ەدى.
سونداي-اق زەينەتاقى قارجىسىن الۋ ءۇشىن دارىگەرلەر جالعان قورىتىندىلار جاساعانى انىقتالدى.
ال قارجىلىق مونيتورينگ اگەنتتىگى زەينەتاقى قورىنان ءتىس ەمدەۋگە 200 ملرد تەڭگە زاڭسىز شىعارىلعانىن مالىمدەدى.