«استانا» ەڭ ۇزدىك سۇرمەرگەنىن ساتاتىنىن حابارلادى

وتكەن ماۋسىمدا 28 جاستاعى جارتىلاي قورعاۋشى 26 ماتچتا 16 گول سوعىپ, 7 ناتيجەلى پاس بەرگەن. گريپشي بۇل ناتيجەسىمەن ەل  چەمپيوناتىنىڭ ەڭ ۇزدىك سۇرمەرگەنى اتانىپ, داستان ساتپاەۆ پەن مارين توماسوۆتى ارتتا قالدىردى.

Vesti.kz مالىمەتىنشە, قازىر نازمي گريپشي كومانداسىمەن بىرگە جاتتىعىپ ءجۇر. وعان قاتىستى كلۋب ءۇشىن ءتيىمدى ۇسىنىس تۇسسە قاراستىرىلاتىنى بەلگىلى بولىپ وتىر. 

گريگوري بابايان بۇل ماسەلە تەك گريپشيگە قاتىستى ەمەس, «استانامەن» قولدانىستاعى كەلىسىمشارتى بار كەز كەلگەن فۋتبولشىعا قاتىستى ەكەنىن جەتكىزدى. 

بۇعان دەيىن فۋتبولشىعا اقش پەن كانادا جوعارى ليگاسىندا وينايتىن كلۋبتار تاراپىنان قىزىعۋشىلىق بار ەكەنى, «استانادان» ترانسفەرىن ساتىپ الۋعا دايىن ەكەنى حابارلانعان.

گريپشيدىڭ ەلوردالىق كلۋبپەن كەلىسىمشارتى 2026 جىلدىڭ جازى­ندا اياقتالادى. ال ونىڭ ترانسفەرلىك قۇنى – 1,5 ميلليون ەۋرو دەپ باعالانىپ وتىر.

بۇعان دەيىن الماتىلىق «قايراتتان» يزرايلدىك جارتىلاي قورعاۋشى وفري اراد كەتكەنىن حابارلاعانبىز. 

سونداي-اق وتانداسىمىز عالىمجان كەنجەبەك رەسمي تۇردە رەسەيلىك «احماتتىڭ» ويىنشىسى اتاندى.

ەسكە سالايىق, «قايرات» – «بريۋگگە» ماتچىنا بيلەتتەر ساتىلىمى باستالدى.