اقمولا وبلىسىندا «تالاپكەر-جت» جشس-ءنىڭ بۇرىنعى ديرەكتورى جەر ۋچاسكەسىنە قاتىستى الاياقتىق ءىسى بويىنشا سوتتالدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
قاداعالاۋ ورگانىنىڭ مالىمەتىنشە, كاسىپورىن باسشىلىعىنىڭ ارەكەتىنە تالاپكەر اۋىلىنىڭ پايشىلارى شاعىمدانعان. اتالعان سەرىكتەستىك مال ازىقتىق داقىلداردى جانە ولاردىڭ تۇقىمىن وسىرۋمەن اينالىسادى.
تەرگەۋ دەرەگىنە سايكەس, 2025 جىلعى تامىز ايىندا كاسىپورىن باسشىسى سەرىكتەستىككە تيەسىلى اۋماعى 211 گەكتار جەر ۋچاسكەسىن زاڭسىز ساتىپ جىبەرگەن. مامىلە سوماسى 7,3 ملن تەڭگەنى قۇراعان. پروكۋراتۋرانىڭ ارالاسۋىنان كەيىن ءىس سوتقا جولدانعان.
اگرارلىق كوللەدجدەردىڭ باسشىلارى وقۋ ورىندارىنا جەر بەرۋدى سۇراپ وتىر
– تسەلينوگراد اۋداندىق سوتىنىڭ ۇكىمىمەن جشس-ءنىڭ بۇرىنعى ديرەكتورى الاياقتىق جاساعانى ءۇشىن كىنالى دەپ تانىلدى. وعان 3,6 جىل مەرزىمگە باس بوستاندىعىن شەكتەۋ جازاسى تاعايىندالدى, – دەپ حابارلادى پروكۋراتۋرا.
سونداي-اق سوتتالعان ازامات 4 جىل مەرزىمگە بەلگىلى ءبىر لاۋازىمداردى اتقارۋ قۇقىعىنان ايىرىلدى.
ايتا كەتەيىك, اقمولادا جەر تەلىمى مەملەكەتكە قايتارىلدى.