ءىس-شارا ءىىم ۇلتتىق ۇلان كۇنىنە جانە «سۇڭقار» ارنايى ماقساتتاعى جاساعىنىڭ قۇرىلعانىنا 30 جىل تولۋىنا وراي ۇيىمداستىرىلدى, دەپ حابارلايدى Egemen.kz.
«ۇلتتىق ۇلان – ەل ايبىنى!» اتتى كونتسەرتتىك باعدارلاما جوعارى پاتريوتتىق رۋحتا ءوتىپ, ەلدەگى زاڭدىلىق پەن قۇقىقتىق ءتارتىپتى, قوعامدىق قاۋىپسىزدىك پەن تۇراقتىلىقتى قامتاماسىز ەتۋ جولىندا كۇن سايىن ايانباي قىزمەت ەتىپ جۇرگەن ۇلتتىق ۇلان اسكەري قىزمەتشىلەرىنە دەگەن زور قۇرمەتتىڭ ايقىن كورىنىسىنە اينالدى.
سالتاناتتى جيىندى ىشكى ىستەر ءمينيسترى پوليتسيا گەنەرال-لەيتەنانتى ەرجان سادەنوۆ اشتى. ول ءوز سوزىندە جەكە قۇرامدى كاسىبي مەرەكەمەن قۇتتىقتاپ, مەملەكەتتىڭ ىشكى قاۋىپسىزدىگىن قامتاماسىز ەتۋ جۇيەسىندەگى ۇلتتىق ۇلاننىڭ ماڭىزدى رولىنە توقتالدى. سونداي-اق ادال ءارى ءمىنسىز قىزمەتى ءۇشىن اسكەري قىزمەتشىلەرگە العىس ءبىلدىردى. سالتاناتتى ءراسىم بارىسىندا ۇزدىك اسكەري قىزمەتشىلەرگە شەن بەلگىلەرى, گراموتالار مەن العىس حاتتار تابىستالدى.
بۇگىن – ۇلتتىق ۇلان كۇنى
مەرەكەلىك كونتسەرتكە اسكەري قىزمەتشىلەر, ولاردىڭ وتباسى مۇشەلەرى, سونداي-اق ىشكى ىستەر ورگاندارى مەن وزگە دە كۇشتىك قۇرىلىمداردىڭ ارداگەرلەرى قۇرمەتتى قوناق رەتىندە قاتىستى.
كونتسەرتتىك باعدارلاما پاتريوتيزم, انتقا ادالدىق, وتانعا قىزمەت ەتۋ قۇندىلىقتارىمەن, سونداي-اق ۇلتتىق ۇلان مەن حالىق اراسىنداعى اجىراماس بايلانىستى بەينەلەيتىن كوركەم نومىرلەرمەن تولىقتى. مۋزىكا, ۆوكال جانە حورەوگرافيا ارقىلى كورەرمەنگە ۇلتتىق ۇلان اسكەري قىزمەتشىلەرىنىڭ ەلدەگى تۇراقتىلىقتىڭ, زاڭدىلىق پەن قوعامدىق ءتارتىپتىڭ سەنىمدى تىرەگى رەتىندەگى بەينەسى ۇسىنىلدى.
باعدارلامادا بيىل قۇرىلعانىنا 30 جىل تولعان «سۇڭقار» ارنايى ماقساتتاعى جاساعىنىڭ مەرەكەسى دە ەرەكشە ورىن الدى. ەليتالىق بولىمشەنىڭ وكىلدەرى كورەرمەن تاراپىنان ەرلىك پەن جوعارى كاسىبيلىكتىڭ, وتانعا قالتقىسىز قىزمەت ەتۋدىڭ سيمۆولى رەتىندە ىستىق ىقىلاسقا بولەندى.
مەرەكەلىك كونتسەرت قر ءىىم ۇلتتىق ۇلانىنىڭ قازىرگى ۋاقىتتا ۇلتتىق قاۋىپسىزدىك جۇيەسىندەگى ماڭىزدى قۇرىلىم ەكەنىن, قوعامدىق ءتارتىپتى ساقتاۋ, ازاماتتاردىڭ قۇقىقتارى مەن زاڭدى مۇددەلەرىن قورعاۋ, سونداي-اق قوعامنىڭ كۇشتىك قۇرىلىمدارعا دەگەن سەنىمىن نىعايتۋ جولىنداعى ەلەۋلى ۇلەسىن ايقىن كورسەتتى.