سولتۇستىك قازاقستان وبلىسى مايبالىق اۋىلىنداعى جەكە ۇيدەن ءورت شىعىپ, ەكى ادام قايتىس بولدى. توتەنشە جاعدايلار مينيسترلىگى ءباسپاسوز قىزمەتىنىڭ مالىمەتىنشە, تاعى ءبىر ادامدى ىزدەۋ-قۇتقارۋ جۇمىستارى جالعاسىپ جاتىر, دەپ جازادى Egemen.kz.
قايعىلى وقيعا 11 قاڭتاردىڭ تۇنىندە بولعان. ءورت شىققان ۇيگە قۇتقارۋشىلار جەتكەندە عيماراتتىڭ تولىق جانىپ كەتكەنى انىقتالعان.
تۇركىستاندا جەكە تۇرعىن ءۇي ورتەندى: 12 ادام مەرت بولدى, ونىڭ 9-ى بالا
ءۇي يەسىنىڭ ايتۋىنشا, ونىڭ كۇيەۋى مەن ەكى كامەلەتكە تولماعان بالاسى ىشتە بولعان. قۇتقارۋشىلار ءورتتى ءسوندىرىپ, قيراندىلاردى تازالاۋ كەزىندە ەر ادام مەن ءبىر بالانىڭ دەنەسىن تاپتى. ەكىنشى كامەلەتكە تولماعان بالانى ىزدەۋ جۇمىستارى جالعاسىپ جاتىر.
2025 جىلى ەل اۋماعىندا قانداي الاپات ءورت وقيعالارى تىركەلدى؟
وتكەن جىلدىڭ سوڭىندا قوستاناي وبلىسىنداعى ورتتەن 5 جاستاعى بالا كوز جۇمعان ەدى.
ال جاڭا جىل ءتۇنى شۆەيتساريانىڭ وڭتۇستىگىندەگى تاۋ-شاڭعى كۋرورتىندا ءىرى ءورت بولىپ, 40 ادام ورتەنىپ كەتكەنىن حابارلاعانبىز.