«قازاقتەلەكومنىڭ» 1 قاڭتاردان باستاپ كورسەتىلەتىن قىزمەتتەر باعاسىن كوتەرەتىنى تۋرالى حابارلاماسى الەۋمەتتىك جەلىلەردە تالقىلانىپ جاتىر. پايدالانۋشىلاردىڭ ءبىرى بەلگىلەنگەن تاريفپەن ءۇش جىلدىق كەلىسىمشارت جاساسقانىن, الايدا باعا ءبارىبىر وسەتىنىن اتاپ ءوتتى, دەپ جازادى Egemen.kz.
«قازاقتەلەكوم» ابونەنتتەر ءۇشىن 2026 جىلعا ارنالعان تاريفتەرىنىڭ قورىتىندى قۇنىنىڭ وزگەرۋىن ققس-تىڭ 16% -عا دەيىن وسۋىمەن تۇسىندىرەدى. بۇل رەتتە باعا تاريفتەردى ساقتاۋدى كوزدەيتىن ۇزاق مەرزىمدى كەلىسىمشارتتار جاساسقاندار ءۇشىن دە وسكەن.
«قازاقتەلەكوم» وپەراتورى پايدالانۋشىعا كومپانيا تاريفتەردى ققس-سىز بەكىتەتىنىن جانە 2026 جىلدىڭ 1 قاڭتارىنان باستاپ ولار وزگەرمەگەنىن ءتۇسىندىردى.
«ققس مولشەرلەمەسى 12%-دان 16%-عا دەيىن ۇلعايعان جاعدايدا سالىق قىزمەتتىڭ بارلىق بازالىق قۇنىنا ەسەپتەلەدى, وسىعان بايلانىستى اقى تولەۋدىڭ قورىتىندى سوماسى پروپورتسيونالدى تۇردە ۇلعايادى. سومانىڭ ءوسۋى كومپانيا تاراپىنان ءتاريفتىڭ وزگەرۋىمەن ەمەس, زاڭناماعا سايكەس ابونەنت ءۇشىن قىزمەتتىڭ تۇپكىلىكتى قۇنىنا ەنگىزىلەتىن سالىق مولشەرلەمەسىنىڭ كوتەرىلۋىمەن بايلانىستى», دەپ اتاپ ءوتتى «قازاقتەلەكوم».
كەلىسىم-شارتتاردا تاريفتەر ققس-سىز بەكىتىلگەن جانە ولاردىڭ باعاسى سالىقتىڭ وسۋىنە بايلانىستى وزگەرۋى مۇمكىن.
بۇعان دەيىن ۇيالى بايلانىس وپەراتورلارى تاريفتەردى 2025 جىلدىڭ جەلتوقسان ايىنان باستاپ كوتەرە باستاعانى حابارلانعان بولاتىن.