1803 جىلى لوندوندا جارىق كورگەن «رەسەي يمپەرياسىنىڭ كيىم مادەنيەتى» اتتى كىتاپتى ۆ.ميللەر باستاعان اۆتورلار ازىرلەگەن. بۇل – سول كەزدە يمپەريا قۇرامىندا ءومىر سۇرگەن ءارتۇرلى حالىقتاردىڭ كيىم-كەشەك مادەنيەتىن باتىس الەمىنە تانىستىرۋدى ماقسات ەتكەن قۇندى ەڭبەك.
وسىندا قازاق حالقى تۋرالى:
«بۇل حالىقتىڭ ءجۇرىس-تۇرىسىندا, مادەنيەتىندە دە وزگەشەلىك بار دەپ ايتىلىپ كەلەدى. بۇنى ولاردىڭ ايەلدەرىنە قاراتا ايتۋعا بولادى. قازاق ايەلدەرى اقىلمەن ەل باسقارۋ ىسىنە دە ارالاسا الادى. سونىمەن قاتار ولار كۇيەۋلەرى جورتۋىلدان ورالعاندا بارىمتاعا اكەلگەن كۇڭدەرگە دە اسا جاناشىرلىق تانىتادى. قازاق ايەلدەرى وتباسىندا ەر ادامنان قوقان-لوقى كورسە, توركىنىنە كەتىپ قالۋعا بەيىم تۇرادى. ولاردىڭ كۇندەلىكتى جۇمىسى رەتىندە مال باعۋ, تەرى يلەۋ, جۇننەن كيىم تىگۋ سەكىلدى شارۋالاردى ايتا الامىز. قازاق حالقىنىڭ داستارقانى مول. ولار ءۇشىن ەتتىڭ مايى مەن سارى مايدى جۇتا سالۋ قيىنعا سوقپايدى. بارلىق باسقا تاتارلار سياقتى, بۇل حالىق تا ناسىبايعا تىم اۋەس, سونىمەن قاتار ونىڭ ۇنتاق ءتۇرىن تۇتىنادى. ويتكەنى ونداي ناسىباي ادامنىڭ باسىنا تەز اسەر ەتەدى» دەگەن دەرەك جازىلعان.