ەلىمىزدە الداعى ءۇش جىل ىشىندە شەتەلدىك ستۋدەنتتەر سانىن 100 مىڭعا دەيىن ارتتىرۋ جوسپارلانىپ وتىر. عىلىم جانە جوعارعى ءبىلىم مينيسترلىگىنىڭ مالىمەتىنشە, بۇگىندە وتاندىق جوعارى وقۋ ورىندارىندا 35 مىڭنان استام شەتەلدىك ستۋدەنت ءبىلىم الىپ ءجۇر, دەپ جازادى Egemen.kz.
ەلىمىزدە ءبىلىم الۋدى كوبىنە ۇندىستان, تۇرىكمەنستان, وزبەكستان, قىتاي جانە رەسەي ازاماتتارى تاڭدايدى.
24.kz مالىمەتىنشە, ولاردى ەلىمىزدەگى وقۋ اقىسىنىڭ قولجەتىمدىلىگى مەن حالىقارالىق باعدارلامالاردىڭ بولۋى, ديپلومداردىڭ مويىندالۋى قىزىقتىرادى.
شەتەلدىك ستۋدەنتتەر مەديتسينا, پەداگوگيكا, بيزنەس پەن قۇقىق, ينجەنەريا جانە IT سالالارى بويىنشا وتاندىق جوو ديپلومىن الۋدا نەگىزىنەن ۇلتتىق ۋنيۆەرسيتەتتەردى تاڭداپ وتىر. بۇل قازاقستاننىڭ وڭتۇستىك جانە ورتالىق ازيا ەلدەرى ءۇشىن كادر دايارلاۋدىڭ ماڭىزدى ورتالىعىنا اينالىپ كەلە جاتقانىن, سونداي-اق ءبىلىم بەرۋ قىزمەتتەرىن ەكسپورتتاۋداعى كوشباسشىلىق ورنىن نىعايتىپ وتىرعانىن كورسەتەدى.
ەلىمىزدە قانشا شەتەلدىك ستۋدەنت ءبىلىم الىپ ءجۇر؟
ء«بىزدىڭ جوعارى وقۋ ورىندارى ءبىلىم بەرۋ باعدارلامالارىن ۇلتتىق جانە حالىقارالىق اككرەديتتەۋ اگەنتتىكتەرىندە اككرەديتتەۋدەن وتكىزىپ جاتىر. 2010 جىلى قازاقستان بولون دەكلاراتسياسىنا قول قويىپ, بۇگىندە 47 ەۋروپالىق ەلدى بىرىكتىرەتىن ەۋروپالىق جوعارى ءبىلىم كەڭىستىگىنىڭ تولىققاندى مۇشەسىنە اينالدى. بۇل اككرەديتتەۋ اگەنتتىكتەرىنىڭ حالىقارالىق دەڭگەيدە تانىلۋى ءتيىس ەكەنىن بىلدىرەدى. قازىرگى تاڭدا ەلىمىزدە 13 اككرەديتتەۋ اگەنتتىگى بار, ولاردىڭ بارلىعى ەۋروپالىق تىزىلىمگە ەنگىزىلگەن. سونىمەن قاتار, قازاقستان ورتالىق ازياداعى ەۋروپالىق جوعارى ءبىلىم كەڭىستىگىنىڭ جالعىز تولىققاندى مۇشەسى بولىپ تابىلادى», دەدى عىلىم جانە جوعارعى ءبىلىم مينيسترلىگى جوعارى ءبىلىمدى دامىتۋ ۇلتتىق ورتالىعىنىڭ ديرەكتورى الىبەك مادىبەكوۆ.
جوعارى ءبىلىمدى دامىتۋ ۇلتتىق ورتالىعى ديرەكتورىنىڭ ايتۋىنشا, مينيسترلىك بۇدان بولەك, توكيو كونۆەنتسياسىن راتيفيكاتسيالاۋ بويىنشا اۋقىمدى ۇدەرىستەردى قولعا العان. بۇل ازيا مەن تىنىق مۇحيتى ايماعىندا ءبىلىم بەرۋ سالاسىندا جاڭا نارىقتارعا جول اشادى.
پرەزيدەنت ەلىمىزدەگى شەتەلدىك ستۋدەنتتەرمەن اڭگىمەلەستى
2029 جىلعا دەيىن شەتەلدىك تالاپكەرلەرگە ارنالعان ءبىرتۇتاس ونلاين-پورتال ازىرلەنەدى. وندا ۇمىتكەرلەر ء«بىر تەرەزە» قاعيداتى بويىنشا جوعارى وقۋ ورىندارى تۋرالى اقپارات الىپ, قۇجات تاپسىرىپ, وتىنىمدەردى راسىمدەپ, شاقىرۋ حاتتارىن, وفەرلەردى جانە ۆيزالاردى تسيفرلىق فورماتتا الا الادى. مينيسترلىكتىڭ بۇل بارلىق ءراسىمدى ەداۋىر جەڭىلدەتۋگە مۇمكىندىك بەرەتىنىن مالىمدەدى.
بۇعان دەيىن الماتىدا قانشا شەتەلدىك ستۋدەنت ءبىلىم الىپ جۇرگەنىن حابارلاعانبىز.