باس پروكۋراتۋرا مەن ينتەرپول ۇلتتىق ورتالىق بيۋروسى سىرتقى ىستەر مينيسترلىگىنىڭ جاردەمدەسۋىمەن تۇركيا رەسپۋبليكاسىنان بىرنەشە رەت الاياقتىق جاساعانى ءۇشىن ىزدەۋدە جۇرگەن قازاقستان ازاماتىن ەلگە قايتاردى, دەپ جازادى Egemen.kz.
كۇدىكتى 2024 جىلى قىزىلوردا قالاسىندا جابىرلەنۋشىلەرگە زەرگەرلىك بۇيىمداردى تومەن باعامەن ساتىپ الىپ بەرەمىن دەگەن جەلەۋمەن ولاردىڭ اقشاسىن يەمدەنگەن. ونىڭ قىلمىستىق ارەكەتىنىڭ سالدارىنان 8 ادام جاپا شەگىپ, جالپى سوماسى شامامەن 130 ملن تەڭگەگە ماتەريالدىق زالال كەلگەن.
قىلمىستاردى جاساعاننان كەيىن كۇدىكتى ەل اۋماعىنان تىس جەرگە بوي تاسالاپ, وعان قاتىستى حالىقارالىق ىزدەۋ جاريالانعان. جۇرگىزىلگەن ىزدەستىرۋ ءىس-شارالارى بارىسىندا ول تۇركيا رەسپۋبليكاسىنىڭ اۋماعىندا ۇستالدى.
«باسپانا الىپ بەرەمىن»: وسكەمەندە ءىرى الاياقتىق دەرەگى تىركەلدى
قازىر كۇدىكتى تەرگەۋ يزولياتورىنا قامالدى. وعان تاعىلعان قىلمىستار ءۇشىن مۇلكى تاركىلەنىپ, بەس جىلدان ون جىلعا دەيىن باس بوستاندىعىنان ايىرۋ جازاسى كوزدەلگەن.
بۇعان دەيىن كاسىپكەردى ءولتىرىپ, مۇلكىن يەلەنگەن كۇدىكتى ەلگە جەتكىزىلگەنىن حابارلاعانبىز.
سونداي-اق بىرنەشە رەت الاياقتىق جاساعان قازاقستان ازاماتى رەسەيدەن ەكستراديتسيالاندى.