اقمولا وبلىسىندا ەسىل كونتررەتتەگىشىن سالۋ جوباسى مەملەكەتتىك ساراپتامادان وڭ قورىتىندى الدى. نىسان 873 ملن تەكشە مەترگە دەيىن تاسقىن سۋ جيناۋعا مۇمكىندىك بەرەدى. ناتيجەسىندە اقمولا, سولتۇستىك قازاقستان وبلىستارىنىڭ ەلدى مەكەندەرىن سۋ باسۋدان قورعايدى, دەپ حابارلايدى Egemen.kz.
جوبانى جۇزەگە اسىرۋ – بيىل ازيا دامۋ بانكىنىڭ قولداۋىمەن باستالادى. ايتا كەتەيىك, بىلتىر جەلتوقساننىڭ باسىندا سۋ رەسۋرستارى جانە يرريگاتسيا مينيسترلىگى مەن حالىقارالىق قارجى ۇيىمى ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويعان.
سۋ رەسۋرستارى سالاسى جىل سوڭىنا دەيىن تسيفرلانادى
«كونتررەتتەگىش تاسقىن سۋدىڭ ءبىر بولىگىن جيناۋعا جانە قايتا باعىتتاۋعا مۇمكىندىك بەرەدى. بۇل ونىڭ ەسىل وزەنىنىڭ تومەنگى اعىسىندا قاۋىپسىز ءوتۋىن, سونداي-اق سولتۇستىك قازاقستان وبلىسىنىڭ سەرگەەۆ جانە پەتروپاۆل سۋ قويمالارىنىڭ تۇراقتى جۇمىسىن قامتاماسىز ەتەدى. بۇدان بولەك, نىسان 25 مىڭ گەكتارعا دەيىن سۋارمالى جەردى سۋمەن قامتاماسىز ەتەدى», دەدى سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ.
بۇعان دەيىن, XII ازاماتتىق فورۋم قارساڭىندا سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ قوعامدىق ۇيىمدار مەن ۇكىمەتتىك ەمەس ۇيىمداردىڭ وكىلدەرىمەن كەزدەسۋىندە مينيسترلىك جانىنان ۇەۇ-مەن ءوزارا ءىس-قيمىل جونىندەگى ۇيلەستىرۋ كەڭەسىن قۇرۋ تۋرالى شەشىم قابىلدانعان بولاتىن.
ايتا كەتەيىك, مەملەكەت باسشىسىنىڭ جولداۋىندا ايتىلعان سۋ رەسۋرستارىن باسقارۋدىڭ بىرىڭعاي تسيفرلىق پلاتفورماسىن قۇرۋ تۋرالى تاپسىرماسىنا وراي ەلىمىزدە سۋ ساياساتىن ءتيىمدى جوسپارلاۋدىڭ جاڭا تەتىگى ازىرلەندى.