مەملەكەت باسشىسىنىڭ تاپسىرماسىمەن دەنساۋلىق ساقتاۋ مينيسترلىگى پاتسيەنتكە باعدارلانعان, مەديتسينالىق كومەكتىڭ قولجەتىمدىلىگى مەن ساپاسىن ارتتىرۋعا باعىتتالعان سالانى جاڭعىرتۋ مەن دامىتۋ جونىندەگى ءىس-شارالار كەشەنىن جۇزەگە اسىرىپ جاتىر. بۇل تۋرالى دەنساۋلىق ساقتاۋ ءبىرىنشى ۆيتسە-ءمينيسترى تيمۋر سۇلتانعازيەۆ مالىمدەدى.
ونىڭ ايتۋىنشا, پرەزيدەنت تاراپىنان دايەكتى قولداۋدىڭ ارقاسىندا دەنساۋلىق ساقتاۋ سالاسىنا جۇمسالاتىن مەملەكەتتىك شىعىندار كەيىنگى جىلدارى ءۇش ەسەگە جۋىق ءوسىپ, 2025 جىلى 3 ترلن تەڭگەگە جەتكەن. بۇل مەديتسينالىق كومەكتىڭ كولەمىن ەداۋىر كەڭەيتۋگە, ينفراقۇرىلىمدى اۋقىمدى تۇردە جاڭعىرتۋعا ءارى مەديتسينالىق ۇيىمداردىڭ ماتەريالدىق-تەحنيكالىق بازاسىن جاڭارتۋعا مۇمكىندىك بەردى.
ماسەلەن, رەسپۋبليكالىق ماڭىزى بار نەگىزگى نىساندار پايدالانۋعا بەرىلدى. ولار – ۇلتتىق ونكولوگيا ورتالىعى, استاناداعى شۇعىل مەديتسينا ورتالىعى, سونداي-اق الماتىداعى ۇلتتىق جۇقپالى اۋرۋلار ورتالىعى.
«مەملەكەت باسشىسىنىڭ تاپسىرماسى بويىنشا جۇزەگە اسىپ جاتقان اۋىلدىق دەنساۋلىق ساقتاۋ سالاسىن جاڭعىرتۋ جونىندەگى اۋقىمدى جوبا اياقتالىپ كەلەدى. قازىردىڭ وزىندە اۋىلدىق جەرلەردە 650-دەن استام مەديتسينالىق نىسان پايدالانۋعا بەرىلدى, بۇل قالا مەن اۋىل اراسىنداعى الشاقتىقتى ەداۋىر ازايتتى», دەپ اتاپ ءوتتى ت.سۇلتانعازيەۆ.
ۇزاق ۋاقىتتان بەرى العاش رەت تاريفتىك ساياسات قايتا قارالدى. بوساندىرۋ مەن پەدياتريا تاريفتەرى كوتەرىلدى, اۋرۋلاردىڭ الدىن الۋعا, ەرتە دياگنوستيكالاۋعا ءارى مەديتسينالىق قىزمەتتەردىڭ ساپاسىن ارتتىرۋعا باسا نازار اۋدارىلدى. كلينيكالىق باعىتتاردا ەلەۋلى پروگرەسكە قول جەتكىزىلدى, انا مەن بالانىڭ دەنساۋلىعىن ساقتاۋ جۇيەسى نىعايتىلدى. ونكولوگيالىق قىزمەت بەلسەندى دامىپ كەلەدى, بۇرىن نەگىزىنەن شەتەلدە قول جەتىمدى بوپ كەلگەن جوعارى دالدىكتەگى ءارى جۇمساق ەمدەۋ ادىستەرى ەنگىزىلىپ جاتىر.
دارىلىك ساياساتقا دەگەن جاڭاشا كوزقاراس ءدارى-دارمەكپەن قامتاماسىز ەتۋدىڭ تۇراقتىلىعىن ارتتىرىپ, بيۋدجەت قاراجاتىن ايتارلىقتاي ۇنەمدەۋگە مۇمكىندىك بەردى. مەملەكەت باسشىسىنىڭ قازاقستان حالقىنا جولداۋىندا بەلگىلەپ بەرگەن ستراتەگيالىق باسىمدىق رەتىندە تسيفرلاندىرۋعا ەرەكشە نازار اۋدارىلادى.
«سالادا «eDensaulyq» ەكوجۇيەسى قالىپتاسىپ كەلەدى, دارىگەردى قولداۋ مەن مەديتسينالىق كومەكتىڭ ساپاسىن ارتتىرۋ قۇرالى رەتىندە جاساندى ينتەللەكت نەگىزىندەگى شەشىمدەر ەنگىزىلىپ وتىر», دەدى ءبىرىنشى ۆيتسە-مينيستر.
بۇعان قوسا, پارلامەنت مەملەكەت باسشىسىنىڭ تاپسىرماسى بويىنشا ازىرلەنگەن مەديتسينا قىزمەتكەرلەرىن قورعاۋ تۋرالى زاڭناماعا ەنگىزىلگەن تۇزەتۋلەردى ماقۇلدادى. قىزمەتتىك مىندەتتەرىن اتقارۋ كەزىندە مەديتسينا قىزمەتكەرلەرى مەن جەدەل جاردەم جۇرگىزۋشىلەرىنە قاتىستى جاسالعان زورلىق-زومبىلىق ءۇشىن جەكە قىلمىستىق جاۋاپكەرشىلىك ەنگىزىلىپ جاتىر, سونداي-اق دارىگەرلەردىڭ كاسىبي جاۋاپكەرشىلىگىن ساقتاندىرۋ تەتىگى ىسكە قوسىلدى. الەۋمەتتىك قولداۋ شارالارىنىڭ ارقاسىندا دارىگەرلەردىڭ تاپشىلىعى 19%-عا, ورتا مەديتسينالىق پەرسونال 7%-عا, اۋىلدىق جەرلەردە 16%-عا تومەندەدى.
«بيىلدان باستاپ ينفەكتسيالىق قىزمەتتەر مەن جەدەل مەديتسينالىق جاردەم قىزمەتكەرلەرىنىڭ جالاقىسىن ارتتىرۋ قاراستىرىلعان, ال دارىگەرلەرگە قاتىستى زورلىق-زومبىلىق ءۇشىن جاۋاپكەرشىلىك كۇشەيتىلەدى. ساقتاندىرۋ مودەلىنە كوشۋدى, حالىقتى قامتۋ كولەمىن كەڭەيتۋدى ءارى مەديتسينالىق قىزمەتتەر ساپاسىن مەملەكەتتىك باقىلاۋدى قالپىنا كەلتىرۋدى كوزدەيتىن مىندەتتى الەۋمەتتىك مەديتسينالىق ساقتاندىرۋ جۇيەسىن جەتىلدىرۋ جونىندەگى زاڭ قابىلداندى», دەدى ت.سۇلتانعازيەۆ.
سالانى دامىتۋدىڭ ستراتەگيالىق باسىمدىقتارى ايقىندالدى. دەنساۋلىق ساقتاۋدى دامىتۋدىڭ 2029 جىلعا دەيىنگى تۇجىرىمداماسى جانە مەديتسينالىق كومەكتىڭ ساپاسىن باسقارۋدىڭ كەشەندى جوسپارى ازىرلەندى.
ۆيتسە-مينيستر اتاپ وتكەندەي, قابىلدانىپ جاتقان شارالار ايتارلىقتاي ناتيجە بەرە باستادى. ماسەلەن, حالىقتىڭ بولجامدى ءومىر ءسۇرۋ ۇزاقتىعى 75,8 جىلدى قۇرايدى, ءولىم-ءجىتىم كورسەتكىشتەرى تومەندەپ جاتىر. جالپى ءولىم-ءجىتىم 2,6%-عا, نارەستە ءولىمى 18%-عا قىسقاردى, ال ەلىمىز حالىقارالىق رەيتينگىلەردەگى ءوز پوزيتسياسىن جاقسارتا وتىرىپ, ادام دامۋى يندەكسىندە جەتى تارماققا كوتەرىلدى.