2025 – 2026 وقۋ جىلىنىڭ باسىندا ەلىمىزدە 559 كوللەدج جۇمىس ىستەدى. كوللەدجدەردىڭ باسىم بولىگى الماتى قالاسىندا ورنالاسقان, ولاردىڭ سانى – 79. ال تۇركىستان وبلىسىندا – 38, قاراعاندى وبلىسىندا – 37 كوللەدج بار, دەپ جازادى Egemen.kz.
كوللەدجدەردەگى ءبىلىم الۋشىلار سانى وقۋ جىلىنىڭ باسىندا 355,2 مىڭ ادام بولعان. ونىڭ ىشىندە 150,8 مىڭى – ايەلدەر. كوللەدجە وقيتىن ستۋدەنت سانى الماتى قالاسىندا ەڭ كوپ – 76 مىڭ ادام, ودان كەيىن شىمكەنتتە – 40,1 مىڭ جانە تۇركىستان وبلىسىندا – 30 مىڭ ادام.
مەكتەپتەر مەن كوللەدجدەردە بۋللينگكە قارسى «دوسبولLike» باعدارلاماسى ەنگىزىلدى
بيىلعى وقۋ جىلىندا كوللەدجدەرگە ءبىرىنشى كۋرسقا 133,9 مىڭ تالاپكەر تۇسكەن. ولاردىڭ نەگىزگى بولىگى ينجەنەرلىك, وڭدەۋ جانە قۇرىلىس تەحنولوگيالارى سالاسىنداعى ماماندىقتاردى تاڭداعان.
كولىك جوندەۋ ماماندىعى بويىنشا وقۋعا تۇسكەندەر – 9,5 مىڭ, دانەكەرلەۋ ءىسى – 5 مىڭ, تىگىن ءىسى – 4,3 مىڭ ءبىلىم الۋشى.
كاسىپكە باستار كوللەدج
كوللەجدە ءبىلىم الۋشى شەتەلدىكتەر اراسىندا وزبەكستان مەن (1,2 مىڭ) رەسەيدەن (1 مىڭ) كەلگەندەر كوپ.