8 قاڭتاردا قازاقستان قور بيرجاسىنداعى (KASE) كۇندىزگى ساۋدا قورىتىندىسى بويىنشا دوللاردىڭ ورتاشا ولشەنگەن باعامى 508,91 تەڭگەنى قۇرادى. بۇل الدىڭعى كورسەتكىشتەن 3,19 تەڭگەگە تومەن. ايتا كەتەيىك, ۇلتتىق بانكتىڭ 8 قاڭتارعا بەلگىلەگەن رەسمي باعامى – 1 دوللار ءۇشىن 512,83 تەڭگە, دەپ حابارلايدى Egemen.kz.
Kurs.kz دەرەكتەرىنە سايكەس, قازىرگى ۋاقىتتا استانا, الماتى قالالارىنداعى ايىرباستاۋ ورىندارىنداعى دوللاردىڭ ورتاشا باعامى تومەندەگىدەي:
الماتى
- ساتىپ الۋ – 512,39 تەڭگە;
- ساتۋ – 515,60 تەڭگە.
استانا
- ساتىپ الۋ – ورتا ەسەپپەن 509,00 تەڭگە;
- ساتۋ – 516,00 تەڭگە.
ەسكە سالايىق, 2025 جىلعى 28 قاراشادا ۇلتتىق بانك بازالىق مولشەرلەمە بويىنشا شەشىم قابىلداپ, ونى 18 % دەڭگەيىندە ساقتاعان بولاتىن. وسى شەشىمنەن كەيىن ساۋدا-ساتتىق بارىسىندا دوللار باعامى ايتارلىقتاي تومەندەدى.
ءوز كەزەگىندە ۇلتتىق بانك توراعاسى تيمۋر سۇلەيمەنوۆ تەڭگەنىڭ نە سەبەپتى نىعايىپ جاتقانىن ءتۇسىندىردى. ونىڭ ايتۋىنشا, بۇل ىشكى نارىقتاعى بەلسەندىلىك پەن بازالىق مولشەرلەمە 18 پايىزعا كوتەرىلگەننەن كەيىن ءىرى پورتفەلدىك ينۆەستيتسيالاردىڭ كەلۋىمەن بايلانىستى.
دوللاردىڭ قۇنسىزدانۋى نارىقتاعى باعاعا قالاي اسەر ەتتى؟
بۇعان دەيىن تەڭگە باعامىنا قاتىستى ۇلتتىق بانكتىڭ مالىمدەمەcىنە سايكەس, 2025 جىلدىڭ جەلتوقسان ايىنىڭ قورىتىندىسى بويىنشا تەڭگە باعامى 1,3 پايىزعا نىعايىپ, 1 دوللار ءۇشىن 505,73 تەڭگەنى قۇرادى.
تەڭگە كۇن ساناپ كۇشەيىپ كەلەدى: سەبەبى نەدە؟
جالپى 2025 جىلدىڭ قورىتىندىسى بويىنشا تەڭگە 3,7 پايىزعا نىعايىپ, دوللار باعامى 525,10 تەڭگەدەن 505,73 تەڭگەگە دەيىن تومەندەگەن.