اقمولا وبلىسى پروكۋراتۋراسى قابىلداعان شارالار ارقىلى قۇنى 82 ملن تەڭگەنى قۇرايتىن جەر تەلىمى مەملەكەتكە قايتارىلدى. كىنالى لاۋازىمدى تۇلعالار اكىمشىلىك جاۋاپقا تارتىلدى, دەپ حابارلايدى Egemen.kz.
باس پروكۋراتۋرا مالىمەتىنشە, ساندىقتاۋ اۋدانىنىڭ پروكۋراتۋراسى جەر كوميسسياسىنىڭ قىزمەتىن تالداۋ بارىسىندا اۋىل شارۋاشىلىعى ءوندىرىسىن جۇرگىزۋ ءۇشىن ۋاقىتشا وتەۋلى جەر پايدالانۋ قۇقىعىن بەرۋ جونىندەگى كونكۋرس قورىتىندىلارىن شىعارۋ كەزىندە زاڭناما تالاپتارىنىڭ بۇزىلعانىن انىقتادى.
كونكۋرستىڭ قورىتىندىلارى ءۇش كەزەڭدە شىعارىلعان. ال قولدانىستاعى زاڭنامادا كونكۋرس وتكىزىلگەننەن كەيىنگى كۇنى قورىتىندىلاردى شىعارۋ كوزدەلگەن. بۇل كونكۋرس راسىمدەرىنىڭ اشىقتىعى مەن وبەكتيۆتىلىگىنە تەرىس اسەر ەتكەن.
«پروكۋرورلىق قاداعالاۋ اكتىسى بويىنشا سوت تارتىبىمەن 7 جالداۋ شارتى جارامسىز دەپ تانىلدى. ناتيجەسىندە مەملەكەت مەنشىگىنە جالپى اۋدانى 1 400 گەكتار بولاتىن, قۇنى 82 ملن تەڭگە اۋىل شارۋاشىلىعى ماقساتىنداعى جەر ۋچاسكەلەرى قايتارىلدى», دەلىنگەن حابارلامادا.