اۋستراليانىڭ بريسبەن قالاسىندا تەننيستەن WTA 500 ءتۋرنيرى جالعاسىپ جاتىر. كەشە جانە بۇگىن شيرەك فينالعا شىققان ويىنشىلار بەلگىلى بولدى, دەپ حابارلايدى Egemen.kz.
قازاقستاننىڭ ەڭ ۇزدىك تەننيسشىسى ەلەنا رىباكينا بۇگىن تاڭ اتا يسپانيالىق پاۋلا بادوسامەن كۇش سىناستى. كەزىندە الەمنىڭ ەكىنشى راكەتكاسى بولعان پيرەنەي تۇبەگىنىڭ وكىلى جەرلەسىمىزگە جارىتىپ قارسىلىق كورسەتە المادى. 1 ساعات 26 مينۋتقا سوزىلعان سايىس 6:3, 6:2 ەسەبىمەن اياقتالدى. ونىڭ الدىندا رىباكينا قىتايلىق چجان شۋايعا 6:3, 7:5 ەسەبىمەن شاڭ قاپتىرعان ەدى. ەندى جەرلەسىمىز چەحيالىق كارولينا مۋحوۆا مەن رەسەيلىك ەكاتەرينا الەكساندروۆا اراسىنداعى كەزدەسۋدىڭ جەڭىمپازىمەن شەبەرلىك بايقاسادى.
ەلەنا رىباكينانىڭ WTA 500 تۋرنيرىندەگى قارسىلاستارى بەلگىلى بولدى
جۇپتىق باسەكەدە اننا دانيلينا تابىستى ونەر كورسەتىپ جاتىر. ول سەربيالىق الەكساندرا كرۋنيچپەن بىرگە امەريكالىق دەزيرا كراۆچيك جانە سوفيا كەنيندى, رەسەيلىك ەكاتەرينا الەكساندروۆا مەن ميررا اندرەەۆانى جولىنان ىعىستىرىپ, جارتىلاي فينالدا يسپانيا مەن اۋستراليانىڭ وكىلدەرى كريستينا بۋكشا مەن ەللەن پەرەسپەن كەزدەسەدى.
ەلەنا رىباكينا وليمپيادا چەمپيونىن جەڭدى