اۆتوجولدارداعى بۇگىنگى احۋال قانداي؟

شىعىس قازاقستان وبلىسى بويىنشا  «الماتى — تالدىقورعان — وسكەمەن — شەمونايحا — رف شەكاراسى» اۆتوجولىنىڭ 1194-1212 كم (شەمونايحا قالاسى — رف شەكاراسى) بولىگىندە بارلىق كولىك تۇرلەرىنىڭ قوزعالىسى اشىق.

اۋا رايىنىڭ جاقسارۋىنا بايلانىستى 6 قاڭتار ساعات 23:00-دەن باستاپ رەسپۋبليكالىق ماڭىزى بار جولداردىڭ كەلەسى بولىكتەرىندە جىلدامدىق شەكتەۋى 90-نان 110 كم/ساع دەيىن ۇلعايتىلدى:

- اقمولا وبلىسى: KAZ 01 «استانا – قاراعاندى – الماتى», 30-92 كم (جىبەك-جولى اۋىلى – انار ستانتسياسى); - قاراعاندى وبلىسى: KAZ 01, 92-164 كم (انار – تەمىرتاۋ قالاسى).

سونداي-اق قيىن تاۋلى جاعدايلارعا بايلانىستى «وسكەمەن – التاي – كاتونقاراعاي – راحمان قاينارى» جولىنىڭ 46-66 كم (سەۆەرنوە اۋىلى – سەرەبريانسك قالاسى) بولىگىندە تىركەمەسى بار جۇك كولىكتەرىنە قوزعالىسقا شەكتەۋ قويىلعان (قىسقى كەزەڭنىڭ سوڭىنا دەيىن).

پاۆلودار وبلىسى بويىنشا «استانا – شىدەرتى – پاۆلودار – ۋسپەنكا – رف شەكاراسى» جولىنداعى «قالقامان» اينالما جولى (قالقامان اۋىلىنىڭ كىرەبەرىسى مەن استانا باعىتىنا شىعاتىن بولىگى) جابىق, سەبەبى ەستاكادا قۇرىلىمىنىڭ شەتكى ارقالىقتارى زاقىمدانعان.